Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanlı kişi Belarus qadınlarını soydu (FOTO)

Azərbaycanlı kişi Belarus qadınlarını soydu (FOTO)

Date: 29 December 2015 17:11

Azərbaycanlı kişi (alfons) Belarusda 10 qadını aldadıb.

ANS PRESS-in xarici mətbuata istinadla verdiyi məlumata görə, qadınlar bu barədə polisə özləri müraciət edib. Saxlanılan 44 yaşlı azərbaycanlı 10 qadının etibarından sui-istifadə etdiyini etiraf edib.

Qadınlar polislə söhbətlərində saxlanılan şəxslə sosial şəbəkələrin birində tanış olduqlarını deyiblər. “Tanış olduğum kişi Azərbaycanda biznesi olduğunu və yaxın vaxtlarda restoran açmaq Qomel şəhərinə gələcəyini dedi”, - deyə zərərçəkən qadınlardan biri deyib.


Belarusda saxlanılan azərbaycanlı

Qadın bildirib ki, daha sonra həmin kişi bir qrup şəxs tərəfindən soyunçuluğa məruz qaldığını deyib.

Saxlanılan şəxs qadınlara pullunun və sənədlərinin hamısının oğurlandığını, pula ehtiyacının olduğunu deyib. Həmin şəxs pulu Belarusa gəlmək üçün istifadə edəcəyini bildirib. Kişinin sözlərinə inanan qadınlar külli miqdarda pulu onun hesabına köçürüblər.


Saxlanılan şəxsin sosial şəbəkədəki profili

Amma qadınlar pulu köçürdükdən sonra özlərini sosial şəbəkədəki “qara siyahı”da görüblər. Pul göndərdikləri şəxsə nə qədər zəng etəsələr də cavab ala bilməyiblər.
Həmin vaxt onlar polisə müraciət ediblər. Hüquq mühafizə orqanlarının keçirdiyi əməliyyatla qadınları aldadan şəxs kirayə qaldığı mənzidə saxlanılıb.

Polis onu saxlayandan sonra məlum olub ki, həmin şəxs qadınlarla Azərbaycandan deyil, Belarusun Qomel şəhərindən yazışıb.


Belarusun Qomel şəhəri

Amma pulları köçürmək üçün Azərbaycandakı hesabı verib. Qadınlar pulu hesaba köçürdükdən sonra onun oğlu vəsaiti çıxarıb atasına göndərib. Şübhəli şəxs qadınlardan 5 min dollardan çox pul ala bilib.

Belarus polisi tərəfindən saxlanılan şəxsə Cinayət Məcələsinin dələduzluq maddəsi ilə cinayət işi açılıb. Polis həmin şəxsi daha çox qadını aldatdığını ehtimal edir.

Bundan əvvəl Rusiyada 26 yaşlı azərbaycanlı saxta sənədlərlə bankdan kredit götürmək istəyərkən saxlanılıb. Azərbaycanlı dələduzluğu tək deyil, Tatarıstan vətəndaşı ilə törədib. Operativ əməliyyat tədbirləri nəticəsində onlar cinayət başında – Şimal-Şərq dairəsində, bankın ofisində kredit haqqında razılaşmanı tərtib edərkən yaxalanıblar.

Tags:  Azərbaycanlı kişi Belarus qadınlarını soydu FOTO


RƏYLƏR


Top news