Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Cavid Hüseynovun təqsirləndirilməsinə dair ayrıca icraata ayrılmış cinayət işi üzrə ibtidai istintaq tamamlanıb

Date: 29 December 2015 17:18


Bakı, 29 dekabr, AZƏRTAC
Xəbər verdiyimiz kimi, Bakı şəhər sakini Rasim Əliyevin bu il avqustun 8-də Bayıl qəsəbəsi ərazisində bir qrup şəxs tərəfindən döyülərək vəfat etməsi faktına görə Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) və 177.1-ci (oğurluq) maddələri ilə Bakı Şəhər Prokurorluğunda istintaqı aparılmış cinayət işi baxılması üçün dekabrın 22-də aidiyyəti üzrə Bakı Ağır Cinayətlər Məhkəməsinə göndərilib.
Bakı Şəhər Prokurorluğunun AZƏRTAC-a daxil olan məlumatında bildirilir ki, həmin cinayət işinin materiallarından Cavid Hüseynovun Cinayət Məcəlləsinin 307.1-ci (ağır cinayətin hazırlanması və törədilməsini bilərək həmin cinayət barəsində xəbər verməmə) və 307.2-ci (qabaqcadan vəd etmədən ağır cinayəti gizlətmə) maddələri ilə təqsirləndirilməsinə dair ayrıca icraata ayrılmış cinayət işi üzrə ibtidai istintaq dekabrın 29-da tamamlanıb.
Cinayət prosesinin iştirakçıları cinayət işinin materialları ilə tanış olduqdan sonra iş baxılması üçün aidiyyəti məhkəməyə göndəriləcək.

Tags:  Cavid Hüseynovun təqsirləndirilməsinə ayrıca icraata ayrılmış cinayət işi üzrə ibtidai istintaq tamamlanıb


RƏYLƏR


Top news