Aktual mövzular: Dollar alış-satışı , Hava haqqında, Məzənnə, Neftin qiyməti

Meksikada məşhur narkobaron öldürüldü

Meksikada məşhur narkobaron öldürüldü

Date: 29 December 2015 19:14

 

Meksikanın qərbində “Miçoakan ailəsi” adlı narkokartelin yaradıcısı 52 yaşlı Karlos Rosales Mendosanın meyiti tapılıb.

APA-nın “Lenta.ru”ya istinadən verdiyi xəbərə görə, hadisə yerində daha üç nəfərin cəsədi aşkarlanıb.

 

Mütəxəssislərin rəyinə görə, qətl cəsədlərin aşkarlandığı yerdə baş verməyib.

 

Hüquq-mühafizə orqanlarının məlumatına görə, öldürülməzdən öncə 4 nəfər işgəncələrə məruz qalıb, ardınca isə odlu silahla qətlə yetirilib.

 

Yerli hakimiyyət nümayəndələri isə hesab edir ki, Mendosa atışma baş verən ərazidə cinayətkar aləmin nüfuzlu şəxsləri ilə gizli görüş keçirib. Atışmadan sonra narkobaron mühafizəçiləri tərəfindən xilas edilsə də, aldığı güllə yaralarından keçinib.

 

Qeyd edək ki, Mendosa ötən əsrin 80-ci illərində başlayaraq narkotik ticarəti ilə məşğul olub, 2000-ci ildə isə “Miçoakan ailəsi” adlı narkokartelin əsasını qoyub.



Tags:  Meksikada məşhur narkobaron öldürüldü

RƏYLƏR


Top news