Türkiyənin “Fənərbaxça” basketbol klubu ölkəmizdə klubun idman məktəbinin yaradılmasına qərar verib.
ANS TV-nin məlumatına görə, burada uşaq və yeniyetmə basketbolçular idmanın bu növünün sirlərinə yiyələnərək gələcəkdə adıçəkilən klubun şərəfini qorumaq imkanını da əldə edə biləcəklər.
“Məşq prosesləri əsasən yeddi və on dörd yaş qrupuna aiddir. Özəliklə Türkiyənin “Fənərbaxça” basketbol klubunun mütəxəssislər həm məşqlərə, həm də seçilən uşaqların dəvət olunmasına qədər bütün proseslərə özləri nəzarət edəcəklər. Onlar məhz perespektivliyi yüksək olan uşaqların Türkiyəyə getməsini bizdən tələb edirlər”, – deyə basketbol üzrə milli komandanın üzvü Amil Həmzəyev bildirib.
