Aktual mövzular: Dollar alış-satışı , Hava haqqında, Məzənnə, Neftin qiyməti

Əli Xameneidən müsəlman ölkələrinə təklif

Əli Xameneidən müsəlman ölkələrinə təklif

Date: 29 December 2015 20:57

Müsəlman ölkələri vahid islam sivilizasiyası yaratmalıdır. APA-nın "TASS"a istinadən verdiyi xəbərə görə, bu cür çağırışla Tehranda keçirilən İslam birliyinin 29-cu beynəlxalq konfransında İranın ali dini lideri Əli Xamenei çıxış edib.

"ABŞ məmurlarının islama olan dərin ədavəti onları islamın müxtəlif təriqətləri arasında nifaq yaratmağa sövq edir. ABŞ məhz bu məqsədlə İŞİD kimi terror qruplaşmasını yaradıb. Bu qruplaşma ABŞ-ın bölgədəki müttəfiqlərinin maliyyə və siyasi dəstəyi sayəsində fəaliyyət göstərir", - deyə Əli Xamenei qeyd edib.   
 
İranın ali dini liderinin sözlərinə görə, islamın müxtəlif təriqətləri arasında nifaq və münaqişə  yaratmaq səyləri Suriya, Yəmən və Liviya kimi müsəlman dövlətlərinin infrastrukturunun məhv edilməsinə yönəlib. Bununla əlaqədar Əli Xamenei müsəlman ölkələrini müstəqil müsəlman dövlətlərinə müdaxilələrin, insan hüquqlarının pozulması hallarının, qərb mədəniyyətinin digər xalqlara aşılanmasının qarşısını ala biləcək vahid müasir islam sivilizasiyasının yaradılması istiqamətində birgə səylər göstərməyə çağırıb.

Milli.Az  


Tags:  Əli Xameneidən müsəlman ölkələrinə təklif


RƏYLƏR


Top news