Bakı. 30 dekabr. REPORT.AZ/ Federal hakimiyyətə müraciət edən Meksikanın şimalında yerləşən Çiuaua ştatının rəhbərliyi güclü şaxta səbəbindən fövqəladə rejim elan edilməsini xahiş edib.
"Report"un xarici KİV-lərə istinadən verdiyi xəbərə görə, aramsız yağan qar nəticəsində bir çox yollar bağlanıb, turistik rayon sayılan Basaseaçi şəlaləsi yaxınlığında 60-dək avtomobil hərəkətsiz qalıb.
Çiuaua ştatı həmçinin şaxta qeydə alınan zonada olan 300 min. nəfərə isti geyim, yorğanların və tikinti materiallarının alınması üçün maddi yardım ayrılmasını xahiş edib.
