Aktual mövzular: Dollar alış-satışı , Hava, Məzənnə, Neftin qiyməti

Dünya azərbaycanlılarının birliyi ideyası ümummilli lider Heydər Əliyevin xalqımız qarşısında göstərdiyi tarixi xidmətlərdən biridir

Dünya azərbaycanlılarının birliyi ideyası ümummilli lider Heydər Əliyevin xalqımız qarşısında göstərdiyi tarixi xidmətlərdən biridir

Leyla Əliyevanın təşəbbüsü ilə Moskvada Novruz şənliyi keçirilib - FOTOLAR (21 Mart 2017 20:23)
Beynəlxalq Cüdo Federasiyası rəsmiləri və Azərbaycan Cüdo Federasiyasının kollektivi Fəxri Xiyabanı ziyarət edib (10 Mart 2017 13:02)
Heydər Əliyevin tələbə yoldaşları ilə - FOTOLARI (03 Mart 2017 11:34)

Tarix: 30 Dekabr 2015 09:03


Bişkek, 30 dekabr, AZƏRTAC
31 dekabr - Dünya Azərbaycanlılarının Həmrəylik Günü münasibətilə Bişkekdəki Qırğızstan-Rusiya Slavyan Universitetində (QRSU) mərasim keçirilib.
Tədbirdə universitetin professor-müəllim və magistr heyəti, tələbələr, diasporumuzun üzvləri iştirak ediblər.
Rektor Vladimir Nifadyev belə bir əlamətdar tədbirin rəhbərlik etdiyi universitetdə keçirilməsindən məmnun olduğunu bildirib, dünya şöhrətli siyasətçi Heydər Əliyevin Azərbaycanın inkişafındakı xidmətlərindən danışıb.
Qırğızıstandakı səfirimiz Hidayət Orucov Azərbaycan Prezidenti İlham Əliyevin Həmrəylik Günü ilə bağlı dünya azərbaycanlılarına müraciətini görüş iştirakçılarının diqqətinə çatdırıb.
Səfir qeyd edib ki, dünya azərbaycanlılarının birliyi, soydaşlarımızın həmrəyliyi ideyası məhz ümummilli lider Heydər Əliyevin xalqımız və Vətənimiz qarşısında göstərdiyi tarixi xidmətlərindən biridir.
H.Orucov xaricdə yaşayan soydaşlarımızın bütün problemlərinin Azərbaycan Prezidenti İlham Əliyevin diqqət mərkəzində olduğunu, dövlətimizin bu sahədə uğurlu siyasət apardığını və müsbət nəticələr qazandığını vurğulayıb. Həmçinin qeyd edib ki, Azərbaycan ilə Qırğızstan arasında əməkdaşlıq münasibətləri təkcə siyasi və iqtisadi sahədə deyil, həm də humanitar sahədə inkişaf edir və bu xətt hər iki ölkənin dövlət başçılarının apardıqları siyasətin prioritet istiqamətlərindəndir.
Tədbirdə çıxış edən Bişkekdəki “Azəri” İctimai Birliyinin sədri Əziz Əliyev Qırğızıstana sürgün olunan azərbaycanlılar haqqında məlumat verib.
Görüşün sonunda səfir tədbir iştirakçılarının suallarını cavablandırıb.
Qulu Kəngərli
AZƏRTAC-ın xüsusi müxbiri
Bişkek

Teqlər:  Dünya azərbaycanlılarının birliyi ideyası ümummilli lider Heydər Əliyevin xalqımız qarşısında göstərdiyi tarixi xidmətlərdən biridir



RƏYLƏR


Top xəbərlər