Sumqayıt şəhərində yanğın olub, bir nəfər zəhərlənib.
Milli.Az FHN-ə istinadən bildirir ki, beşmərtəbəli yaşayış binasının birinci mərtəbəsində vətəndaşa məxsus, ümumi sahəsi 70 kv.m olan 3-otaqlı mənzilin mətbəxinə yığılmış 6 kv.m sahədə məişət tullantıları yanıb. Yanğın zamanı bir nəfər tüstüdən zəhərlənib. Yanğınsöndürənlər onu mənzildən çıxarıb aidiyyəti üzrə təhvil veriblər. Mənzilin qalan hissəsi yanğından mühafizə olunub. Yanğın saat 01:24-də söndürülüb.
Milli.Az