Bakı. 30 dekabr. REPORT.AZ/ Dağıstanın Dərbənd şəhərində baş verən atışma nəticəsində bir nəfər ölüb, 11 nəfər yaralanıb.
"Report" TASS-a istinadən xəbər verir ki, bu haqda Dağıstanın güc strukturları məlumat yayıb.
Xəbərdə bildirilib ki, xəsarət alanlar arasında hərbçilərlə yanaşı, mülki şəxslər də var.
Məlumata görə, atışma Dərbənddəki Narınqalanın müşahidə meydanında baş verib. Hadisə yerindən müxtəlif çaplı silahlara məxsus 67 boş giliz aşkar edilib.
Hüquq-mühafizə orqanları hadisənin başvermə səbəblərini araşdırır.