Bakı, 30 dekabr, AZƏRTAC
Azərbaycan Xəzər Dəniz Gəmiçiliyinin kollektivi 31 dekabr – Dünya Azərbaycanlılarının Həmrəyliyi Günü və Yeni il bayramı ərəfəsində Goranboyda Gəmiçiliyin himayəsində olan Qarabağın müxtəlif rayonlarından olan 3350 məcburi köçkünə ərzaq yardımı aparıb.
Gəmiçilikdən AZƏRTAC-a bildirilib ki, bayram ərəfəsində keçirilən görüşdə doğma yurdlarını tərk etmiş həmvətənlərimiz dövlət qayğısına və daimi diqqətə görə ölkə rəhbərliyinə minnətdarlıqlarını bildirib, dənizçilərə aydın səma və əmin-amanlıq arzulayıblar.