Bakı, 30 dekabr, AZƏRTAC
Bakının Rüstəm Rüstəmov küçəsi ilə Məmmədəli Şərifli küçəsinin kəsişməsində (“Star İdman Kompleksi”nin qarşısı) nəqliyyat vasitələrinin hərəkətini tənzimləyən işıqforun istiqamətlərində dəyişiklik edilib.
Nəqliyyatı İntellektual İdarəetmə Mərkəzindən AZƏRTAC-a bildirilib ki, qurumun mütəxəssislərinin hazırladığı təklifə əsasən, paytaxtın R.Rüstəmov küçəsi ilə M.Şərifli küçəsinin kəsişməsindəki işıqforda R.Rüstəmov küçəsindən M.Şərifli küçəsi istiqamətində daimi sağa dönmənin təşkil edilməsi icra olunub.