Bakı, 30 dekabr, AZƏRTAC
Fransız aktyoru Jerar Depardye həmyerlisi və həmkarı – məşhur fransız aktrisası Fanni Ardanın çəkdiyi filmdə İosif Stalin rolunu ifa edəcək.
AZƏRTAC TASS informasiya agentliyinə istinadla xəbər verir ki, söhbət Jan-Daniel Baltassın 2013-cü ildə işıq üzü görən “Stalinin Divanı” psixoloji romanı əsasında çəkiləcək filmdən gedir. Romanda 1950-ci illərdə, Stalinin vəfatından üç il əvvəl SSRİ-də cərəyan edən hadisələrdən bəhs olunur.
Hələ ki, film üzərində işlərin nə vaxt başlayacağı barədə məlumat verilmir.