Nazpəri Dostəliyevanın evindən REPORTAJ - FOTO

Nazpəri Dostəliyevanın evindən REPORTAJ - FOTO
16:32 30 Dekabr 2015
19 Digər
Ölkə mətbuatı
A- A+

Milli.Az axşam.az-a istinadən bildirir ki, müğənni qarderobundan, ətir kolleksiyasından, sənətindən bəhs edib:

- Bütün Azərbaycan xalqını Dünya Azərbaycanlılarının Həmrəylik Günü münasibəti ilə ürəkdən təbrik edirəm. Ölkəmizdə  əmin-amanlıq, firavanlıq olsun. Övladlarımız xoşbəxt, valideynlərimiz uzun ömürlü olsunlar. Hər evdə valideynin olmağı o evin ruzisi, bərəkəti, isməti olmaq deməkdir. Buna görə də bütün yaşlı nəsilə də uzun ömür, sağlam can arzulayıram.

- Nazpəri Dostəliyeva 2016-cı ildən nə gözləyir?

- 2016-cı ildə, hər halda insan həyata necə baxırsa, məncə, elə də ömür yaşayır. Mən həyata çox gözəl baxıram. Həyatın bəzən enişli-yoxuşlu, mənfi-müsbət, hətta haqsızlığına rəğmən yenə həyata çox yaxşı baxıram, gələcəyə inanıram. Çünki biz elə bir respublikada yaşayırıq ki, gələcəyimiz, həyatımız yaxşı olmalıdır. 

- Yeni ili harada qeyd edəcəksiniz?

- Hər il bayramda öz övladlarım, bacı-qardaşlarım və onların ailəsi ilə mənim Novxanıdakı bağ evimə yığışırlar. Amma bu il mənim böyük oğlum ailəsi ilə Moskvadadır, onlardan ayrıyam.  Nəvəm Tamerlandan ayrıyam, çox kədərlənirəm. İndi yanımda balaca Kərimim (övladı Əkbərin oğlu - red.) olacaq.

- Gəlinlərinizlə necə yola gedirsiniz?
 
- Yola gedib-getməmək məsələsi mənə aid deyil. Bir gəlinim 7, digəri 3 ildir ki, evimdədir. Hərəsi öz evində öz xanımlığını həyata keçirirlər. Bütün analara arzu edirəm ki, gəlin seçimində peşman olmasınlar. Nəvələrim mənim həyatımdır. Bəzən oğlanlarım qısqanırlar ki, "ana, sən bizi bəlkə də heç bu qədər sevməmisən".  Balaca Kərimim və Tamerlanımla nəfəs alıram. Onlar həyatımın bu gün ən önəmli hissəsidir, mənim təsəlli yerimdir, üzümü güldürənimdir. 

- Övladlarınızdan heç biri sizin sənətinizi davam etdirmədi.

- Əkbərin çox gözəl səsi var. O oxuyanda mən ancaq gözlərimin hakimi ola bilmirəm. Mütləq göz yaşı axıdıram, bilmirəm nədəndirsə kövrəlirəm. Amma Əkbər tamamilə başqa bir sahəni seçdi. Mən ondan xahiş etdim İncəsənət Universitetinə daxil ol, amma gördüm onun istəyi tamamilə başqadır.  O, Beynəlxalq İqtisadi Münasibətlər ixtisası üzrə təhsil aldı. Daha sonra  Moskvada təhsilini davam etdirdi. Allahın bu gününə də min şükür, çalışır. Əli isə hüquq fakültəsini bitirib, Frankfurtda akademiya oxuyub. Hərəsi ayrı-ayrı bir sahəni seçdi. Nəvələrim hələ balacadır. Tamerlanın musiqi zövqü çox gözəldir. Elə ki, lirik, həzin mahnılar oxuyuram, uşaqlığına baxmayaraq görürəm ki, kövrəlir, balaca dodaqlarını büzüb ağlayır. Amma şən mahnılarda oxuyanda hamıdan şən o olur. Nəvələrim mənə "mama" deyir. 

- Bir neçə gün əvvəl ad gününüz oldu. Ən böyük hədiyyəni kimdən aldınız?

- Tamerlan Moskavaya gedəndən sonra ad günümü xüsusi qeyd etmək istəmədim. Öz ailəmizlə oturub, yemişik. Bütün sevənlərimdən də təbrik aldım.

- Nazpəri Dostəliyeva gözəlliyinə necə qulluq edir?

- Həyata, insanlara, gələcəyə ürəklə baxıram. Daxilimdə bacardığım qədər paxıllıq hissləri uzaq edirəm. Xoşbəxtəm ki, heç vaxt kiminsə uğuruna paxıllıq etməmişəm. Daxilimin yaxşı xüsusiyyətidir ki, xaricimə büruzə verir. İnsanların kədəriylə kədərlənir, sevgisiylə sevinirəm. Heç vaxt özüm üçün yaşamadım. 

- Bu yaxınlarda telekanalların sizə qoyduğu qadağa ilə bağlı açıqlama verdiniz. Həmin məsələdən sonra təkliflər gəldi?

- Heç bir qapını döymədim, döyməyəcəm də. Qürurumu, mənliyimi mənafeyə, şöhrətimə dəyişmərəm. Nə olubsa, qüruruma, şərəfimə toxunmayıb. Onu qorumağa çalışmışam. Nə olursa-olsun, heç bir kanalın qapısını döyməmişəm. İnsanların sualları günü-gündən çoxalırdı. Bilmirdim insanlara nə cavab verim. Mətbuat konfransı edib hamıya səbəbi çatdırdım. Mən xalqa, millətə aidəm. O sevginin qarşısında qadağa ola bilməz. Gülməli vəziyyət alındı. Bütün kanallar cavab verdi ki, "Yox, biz Nazpəri xanıma qadağa qoymamışıq". Amma yalandır. Yenə də qadağa var. Rəsmi qadağa yoxdur, kanallar hansısa məmurun sözü ilə bu addımı edib. Gülünc vəziyyətə qalan telekanallardır. Sənətimi davam etdirirəm, klipimi də çəkdirirəm, mahnımı da oxuyuram. Bu gün internet saytları telekanallardan daha aktiv, daha oxunaqlıdır. Bir sənətkarı heç kim boğa bilməz. Pedaqoji fəaliyyətim də davam edir. Daha çox tələbə yetişdirirəm.

- Bilirik ki, səyahəti çox sevirsiniz. Ən çox hansı ölkəni bəyənirsiniz?

- Almaniyada, İtaliyada olmuşam. Əvvəl qastrol səfərinə getmişdim. Belə olanda şəhərləri gəzə bilmirəm, bütün fikrim konsertə yönəlir. Amma gəzməyə ailəmlə birlikdə gedirəm. İtaliyada 13-cü əsrə aid bir qala gördüm. Heyran qalmışdım. Hamı məni ciddi Nazpəri kimi görür. Amma səyahətdə nəvələrimlə uşaqlaşıram. Ayağımda idman ayaqqabıları onlarla oynayıram: karuselə minirəm, divara dırmaşıram, cizgi-filmlərinə baxıram. Allahımın mənə verdiyi bu günə şükür edirəm. Xoşbəxtəm.

- Sosial şəbəkələrdə də aktivsiniz...

- Sevənlərimlə ünsiyyətdə oluram. Lazım olanda onlara özüm cavab yazıram. Hətta "WhatsApp"-da mənə yazan sevənlərimə cavab verir, səs yazımı göndərirəm. İnstaqramda fotolarımı özüm yerləşdirirəm. Bir ara inandığım insanlara inandım.

- Nazpəri Dostəliyeva hər zaman geyim tərzi ilə də fərqlənib. Libaslarınızı necə seçirsiniz?

- Mənim çox zəngin qarderobum var. İlk dəfə 1996-cı ildə solo-konsert vermişəm. Orada Almaniyadan gətizdirdiyim 5 libası geyindim. Mən səhnəyə girəndə tamaşaçılardan bu səsi eşitdim: "aaa". O təəccüblə səs hələ də qulağımdadır. Hər konsertimdə xüsusi libaslar hazırladırdım. Allah yetirirdi, mən də edirdim. İndi də Allah yetirir, mən də libaslarımı alıram. Mümkün deyil ki, mən ucuz bir yerə müraciət edim. Hər zaman canlı oxumuşam. İndikilər kimi diski cibimə atıb, səhnəyə çıxmamışam. İndi efirdə oxuyan çoxlarını görəndə utanıram. Toyxana mahnıları oxuyuram. Sənətkarlar susduqca, sənəti olmayanlar meydan sulayır. Bu Azərbaycan sənətinin ziyanına işləyir. Gənclərimizin arasında yaxşı sənəti olan, tərbiyəlilər var. Samir Piriyevi, Elton Hüseynəliyevi, Elnur Məmmədovu çox bəyənirəm. Həm oxumağı, həm davranışı gözəldir.

- Eşitmişik ki, ətir kolleksiyası yığırsınız...

- Heç sənətə gəlməzdən əvvəl ətirlərə marağım olub. Xüsusi şüşəli rəf düzəltdirmişəm. Bütün evlərimdə o rəfdən olub. Kolleksiyamda olan ətirlərdən istifadə etmirəm. Oradakılardan da bahalı ətirlər vururam. Şirin qoxulardan uzağam. Klassik ətirləri sevirəm. Kolleksiyamda da belə ətirlər var. Heç vaxt onları saymıram. Burada 1982-ci, 1993-cü illərin ətirləri də var. Hansı ölkəyə getmişəmsə, mütləq ətir almışam. Ac-susuz qalmışam, amma ətirsiz qayıtmamışam. 

- İllərdir sizi eyni imicdə görürük. Nə vaxtsa imicinizi dəyişməyi düşünürsünüz?

- Mənim elə saçlarım var idi ki, yuyurdum, fensiz toya gedirdim. Saçlarım kürəyimə düşəndə elə bilirdim, ədyala bürünmüşəm. Elə toy olmurdu ki, orada iki-üç geyim dəyişməyim. Saçlarımın qalınlığından isti olurdu. Saçlarımın formasını dəfələrlə dəyişmişəm. Heç vaxt xalqıma üz qarası olacaq libas geyinməmişəm. Fransanın ən məşhur stilistindən geyim alsam belə, ora ismətimi əlavə etmişəm. Cırıq şalvarda, uzun razrezdə səhnəyə çıxsam, məndən örnək götürəcək. Mən bunun məsuliyyətini qoruyub saxlamışam.

- Açıqlamanızda Türkiyədə yaradıcılıq işləri ilə bağlı yeniliklər edəcəyinizi demişdiniz...

- Hansı ölkənin müğənnisi bizdə var? Bircə Manana gəlib, ona da hərə bir söz deyib. Heç bir ölkədə də bizim müğənninin öpüb başlarının üstünə qoymayacaqlar. Böyük-böyük danışmıram. Öz vətənimdə qalıram. Uzağı başqa ölkədə bir serialda iştirak edib, bir klip çəkdirərsən. Başqa yerdə çıxış edib, özünü vətənindəki sənətkardan uca göstərmək yaxşı iş deyil. Belə söhbətlərdə diqqətli olmuşam. Mənim etdiklərimi başqası etsəydi, özünə oturmağa yer tapmazdı. Haqsızlıqlara rast gəlsəm də, xalqıma canım qurban. Məni ucaldan, şərəfləndirən dövlətim və xalqım olub. İşlərim çoxdur, amma hamısını qəbul etməyəcəm. Kommersiya olanı da, olmayanı da var. Ayağımı yorğanıma görə uzadıram. Hansı sərf edərsə, qəbul edəcəyəm.

Milli.Az


















RƏYLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Dubay taksiləri "ağıllı" sayğaclarla təchiz edilir

28 İyul 2017 20:57

London faciəsi Helsinkidə təkrarlandı - Ölən var

28 İyul 2017 20:53

Tanınmış model 3 fərqli obrazda klip çəkdirdi - VİDEO

28 İyul 2017 20:52

İstanbulda Bosfor boğazının altından 3 mərtəbəli tunel tikiləcək

28 İyul 2017 20:47

Yeniyetmələrin Avropa Olimpiya Festivalında velosiped yarışları başa çatıb

28 İyul 2017 20:42

Polşalı turist: "Azərbaycan polisinin şücaəti və operativliyi məni valeh edib"

28 İyul 2017 20:42

Gigi Hadid yenə stili ilə seçildi - FOTO

28 İyul 2017 20:42

VİDEO: Azərbaycan efirində görünməmiş hadisə

28 İyul 2017 20:40

“Barama” İnnovasiya və Sahibkarlıq Mərkəzin “Blockchain”lə bağlı tədbir keçirilib

28 İyul 2017 20:32

"Bu, məşhurlaşmağıma mane olur" - "Günəşim ol"un Nərgizi

28 İyul 2017 20:32

DİM-dən abituriyentlərə MÜRACİƏT

28 İyul 2017 20:28

Bodrumda elə hərəkətlər etdi ki... - FOTO

28 İyul 2017 20:27

KXDR növbəti dəfə ballistik raket atdı

28 İyul 2017 20:24

Azərbaycan İsveçrədən 362 kq qızıl qəbul edib

28 İyul 2017 20:19

Göbək çuxuruna spirtli pambıq qoyun

28 İyul 2017 20:18

""Jara" festivalından böyük gözləntilərim var"

28 İyul 2017 20:17

"Jara" həyəcanı davam edir: Festival iştirakçılarının qırmızı xalı üzərindən keçidi başlayıb

28 İyul 2017 20:17

ABŞ terrorçu PKK-nın Suriyadakı qollarına 626 maşın silah-sirsat təhvil verib

28 İyul 2017 20:17

CAR-da jest dili dövlət dili statusu ala bilər

28 İyul 2017 20:17

Xaçmazda DƏHŞƏTLİ OLAY: 2 yaşlı uşaq stuldan yıxılaraq öldü - FOTO/VİDEO

28 İyul 2017 20:13

“Bank of Baku” maliyyə göstəricilərini açıqlayıb

28 İyul 2017 20:12

Eyni serialda iki rolda çəkiləcək - FOTO

28 İyul 2017 20:12

Fransalı jurnalistlər Mətbuat Şurasında olublar

28 İyul 2017 20:05

38 yaşlı qadın xeyli psixotrop dərman içdi - ŞİRVANDA

28 İyul 2017 20:04

Suriyada 100 bomba partladı

28 İyul 2017 20:04

Boksçularımız dünya çempionatına hazırlaşır

28 İyul 2017 20:03

“Neftçi” futbolçusunu Venesuela klubuna icarəyə verib

28 İyul 2017 20:02

DİM Dövlət Dəniz Akademiyasında təhsil almaq istəyən abituriyentlərə müraciət edib

28 İyul 2017 20:02

Ölkədən çıxışınıza qadağa qoyulub?

28 İyul 2017 19:50

Serenay Sarıkayanın afrikasayağı imici - FOTO

28 İyul 2017 19:47

Fərdi uçot sisteminin əhatə etdiyi əcnəbilərin sayı 32 919 nəfər təşkil edir

28 İyul 2017 19:47

28 yaşlı qadın intihara cəhd edib

28 İyul 2017 19:47

Göygöldə "Opel" yanıb

28 İyul 2017 19:43

"Traktorsazi"yə 90+1 şoku

28 İyul 2017 19:37

Azərbaycan boksçuları dünya çempionatına hazırlığı davam etdirirlər

28 İyul 2017 19:37

"Opel" yanıb

28 İyul 2017 19:37

Terrorçu supermarketdə bıçaqla insanlara hücum etdi

28 İyul 2017 19:35

Dənizdə batan var - Axtarışlar davam edir

28 İyul 2017 19:33

Sukerberq planetin 5-ci varlısı oldu

28 İyul 2017 19:32

Tədris planları təsdiqləndi

28 İyul 2017 19:29

Azərbaycanın “Artilleriya atəşinin ustaları” müsabiqəsində rəqibləri məlum olub

28 İyul 2017 19:27

UFAZ-a qəbul imtahanlarının nəticələri elan olunub

28 İyul 2017 19:27

Mərkəzi Bankda saxlancda olan qızılın miqdarı açıqlanıb

28 İyul 2017 19:27

İfaçı özündən 40 yaş kiçik qızla evlənib

28 İyul 2017 19:22

Göz ətrafı dərinizin sağlamlığı üçün təbii üsul

28 İyul 2017 19:20

Azərbaycanda 30 əcnəbiyə yaşamaq üçün icazə verilməyib

28 İyul 2017 19:17

Birləşmiş Ərəb Əmirliklərində əlvan daşlarla bəzədilmiş super-yaxta suya buraxılıb

28 İyul 2017 19:17

Yeni qeydiyyatdan keçmiş 16 dini icmaya şəhadətnamə verilib - FOTO

28 İyul 2017 19:12

Cennifer Lopez: "Evə bənzəyən heç yer yoxdur" - FOTO

28 İyul 2017 19:12

Bakıda 1 nəfər dənizdə batıb

28 İyul 2017 19:09