Aktual mövzular: Dollar alış-satışı , Hava, Məzənnə, Neftin qiyməti

Əli Həsənov: Dinamik inkişaf edən, müasirləşən Azərbaycan bu günün reallığıdır

Əli Həsənov: Dinamik inkişaf edən, müasirləşən Azərbaycan bu günün reallığıdır

Əli Həsənov: "Mehriban xanım Əliyevanın dinamik xarakteri dövlət idarəçiliyinə də sirayət edəcək" (25 Fevral 2017 14:42)
Əli Həsənov: “Mehriban Əliyevanın təyinatı Azərbaycan xalqına, dövlətinə töhfələr verəcək” (25 Fevral 2017 14:13)

Tarix: 30 Dekabr 2015 16:53

Bakı. Trend:

“Bizim bütün nailiyyətlərimizin əsasında ümummilli lider Heydər Əliyev tərəfindən əsası qoyulan siyasətin uğurla davam etdirilməsi amili durur. Dinamik inkişaf edən, müasirləşən, mili dəyərlərə sadiq Azərbaycan bu günün reallığıdır”. Trend-in məlumatına görə, bunu Azərbaycanın Prezidentinin ictimai-siyasi məsələlər üzrə köməkçisi Əli Həsənov Xəzər Televiziyasının yeni binasının açılışında çıxışı zamanı deyib.

Ə.Həsənov vurğulayıb ki, bu gün Bakı şəhərini müasirləşdirən, gözəlləşdirən və dünyanın inkişaf etmiş paytaxtları ilə bir cərgəyə çıxaran genişmiqyaslı işlərin memarı Prezident İlham Əliyevdir.

PA rəsmisi qeyd edib ki, Xəzər TV-nin inzibati binası son illər Azərbaycanda həyata keçirilən quruculuq meyarlarına, müasir televiziyanın bütün tələblərinə cavab verir.

Ə.Həsənov bildirib ki, televiziya milli-mənəvi dəyərlərə, ailə tərbiyəsinə üstünlük verməlidir: “Televiziyaya təkcə biznes sahəsi kimi baxmaq lazım deyil. Televiziya sahəsi ilə məşğul olanlar bunu nəzərə almalıdırlar. Televiziya ən nümunəvi ziyalını, məmuru ekrana çıxarmalıdır ki, xalqımızı doğru yola istiqamətləndirsin, onun obyektiv informasiyaya olan ehtiyacını ödəsin. Xəzər TV digər çoxsaylı televiziya kanalları ilə birgə Azərbaycanda yeni ənənə formalaşdırmalıdır. Hər birimizin amalı bundan sonra həyatımızda yaxşı nümunələri inkişaf etdirmək olmalıdır”.

Prezidentin köməkçisi Azərbaycanda mili dəyərlərin, xalqımızın adət-ənənələrinin bərqərar olduğunu vurğulayıb: "Televiziya bu ənənələrin yaşamasına öz dəyərli töhfəsini verməli, onları daha da zənginləşdirməlidir".

Bizi Twitter-dən izləyin: @trend_az


Teqlər:  Əli Həsənov Dinamik inkişaf edən müasirləşən Azərbaycan bu günün reallığıdır



RƏYLƏR


Top xəbərlər