Yeni il tətilini ölkəsi İsveçdə keçirən Zlatan İbrahimoviç ov zamanı maral vurub.
ANS PRESS-in məlumatına görə, futbolçunun 500 kiloqramlıq bir maralı tək güllə ilə öldürməsi mətbuatın gündəminə düşüb.
Məlumata görə, İbrahimoviçin ov qabiliyyətləri İsveç Ovçuluq Birliyinin sədrini xeyli təəccübləndirib. Sədr, heç bu böyüklükdə bir heyvan ovlamadığını söyləyərək İbrahimoviçə təriflər yağdırıb.
Ancaq heyvan haqqları dərnəkləri ulduz oyunçuya qarşı kəskin reaksiya göstərib. İsveç Heyvan Haqqları Birliyi İbrahimoviç kimi məşhur birinin ovçuluq fəaliyyətlərini dəstəkləməsinin düzgün olmadığını bildirib.
Qeyd edək ki, 9 milyon əhalisi olan İsveçdə 300 mindən çox lisenziyalı ovçu var. 4 ildir ovçuluq lisenziyası olan İbrahimoviç isə tez-tez ova getməyi çox sevdiyini dilə gətirir.