Aktual mövzular: Dollar alış-satışı , Hava, Məzənnə, Neftin qiyməti

Küveytdə Dünya Azərbaycanlılarının Həmrəylik Günü qeyd olunub

Küveytdə Dünya Azərbaycanlılarının Həmrəylik Günü qeyd olunub

Bayram günlərində metro stansiyalarında konsert olacaq (17 Mart 2017 13:47)
Metroda konsert olacaq (17 Mart 2017 13:13)
Bayram günlərində metroda konsert proramı təşkil olunacaq (17 Mart 2017 11:19)

Tarix: 30 Dekabr 2015 20:27

Bakı. 30 dekabr. REPORT.AZ/ Bu gün Azərbaycanın Küveytdəki səfirliyində 31 dekabr - Dünya Azərbaycanlılarının Həmrəylik Günü və Yeni il bayramı münasibətilə tədbir keçirilib.
Səfirlikdən "Report"a verilən məlumata görə, mərasimdə Küveytdə yaşayan, işləyən, təhsil alan həmvətənlərimizi özündə birləşdirən “Vətənsevər Dostluq Cəmiyyəti”, həmçinin ölkə ictimaiyyətinin nümayəndələri iştirak ediblər.
Öncə tədbir iştirakçılarına Azərbaycan Respublikasının Prezidenti İlham Əliyevin 31 dekabr - Dünya Azərbaycanlılarının Həmrəylik Günü münasibətilə dünya azərbaycanlılarına ünvanladığı müraciət oxunub. Daha sonra tədbir iştirakçılarına Dünya Azərbaycanlılarının Həmrəylik Gününün yaranma tarixi və bu şərəfli tarixin yaradıcısı ümummilli lider Heydər Əliyevin xidmətləri barədə məlumat verilib.
Tədbirdə Azərbaycan Respublikasının istiqlaliyyət əldə etməsinin dünya azərbaycanlılarının milli qürurunun inkişafına böyük təkan verməsi, həmçinin milli dirçəlişin güclənməsinə tələbatın daha da artdığı bir dövrdə Azərbaycan Respublikasının Prezidentinin fərmanı ilə 31 Dekabr - Dünya Azərbaycanlılarının Həmrəylik Gününün elan edilməsinin əhəmiyyəti qeyd olunub.
Eyni zamanda, tədbirdə “Vətənsevər Dostluq Cəmiyyəti”nin sədri Könül Hacızadə çıxış edib, həmvətənlərimizi bayram münasibətilə təbrik edib.
Tədbirin sonunda bayram ziyafəti verilib.

Teqlər:  Küveytdə Dünya Azərbaycanlılarının Həmrəylik Günü qeyd olunub



RƏYLƏR


Top xəbərlər