Aktual mövzular: Dollar alış-satışı , Hava haqqında, Məzənnə, Neftin qiyməti

Evdə yanğın baş verdi, yaşlı qadın öldü

Evdə yanğın baş verdi, yaşlı qadın öldü

Date: 30 December 2015 20:36

Salyanda yaşayış evində yanğın baş verib. Hadisə zamanı 77 yaşlı qadın ölüb.

ANS PRESS-in məlumatına görə, yanğın şəhərin Hacı Zeynalabdin Tağıyev küçəsində qeydə alınıb.

Şəhər sakini, 1962-ci il təvəllüdlü Rəsul Əbülfəz oğlu Nəcəfova məxsus üç otaqlı fərdi yaşayış evi qəfildən yanmağa başlayıb. Dərhal hadisə yerinə Fövqəladə Hallar Nazirliyinin Salyan Yanğından Mühafizə Hissəsinin 3 yanğınsöndürən maşını və canlı qüvvəsi cəlb olunub. Yanğının qarşısı nazirliyin əməkdaşları tərəfindən alınıb.

Yanğın söndürüldüyü zaman ev sahibinin anası 1938-ci il təvəllüdlü Şəfiqə Məmməd qızı Nəcəfovanın tüstüdən zəhərləndiyi məlum olub. 77 yaşlı qadını təcili tibbi yardım maşını ilə Salyan Rayon Mərkəzi Xəstəxanasına çatdırmaq istəsələr də o, yolda dünyasını dəyişib.

Hələlik yanğının hansı səbəbdən baş verdiyi məlum deyil.

Faktla bağlı araşdırmalar aparılır.


Cəlilabadda yanan ev

Noyabr ayının 20-də də Azərbaycanda azyaşlı evdə baş verən yanğının qurbanı olub.

Hadisə Cəlilabadın Əliqasımlı kəndində qeydə alınıb. Kənd sakini Nurəddin Abiyevə məxsus bir mərtəbəli yaşayış evində yanğın başlayıb. Yanğına səbəb isə odun sobasından xalçanın üzərinə köz düşməsi olub.

Düşən köz mənzildə yanğına səbəb olub və ümumi sahəsi 108 kv.metr olan ev alovların cəngində qalıb. Yanğın zamanı evdə ev sahibinin 3 yaşlı övladı olub. 2012-ci il təvəllüdlü Xəzər Nurəddin oğlu Abıyev yanan xalçanın üzərində yatıbmış.

Azyaşlının valideynləri həyətdə olduqları üçün yanğından gec xəbər tutublar. Onlar evə daxil oldanda isə uşaq artıq dünyasını dəyişmiş olub.

Tags:  Evdə yanğın baş verdi yaşlı qadın öldü

RƏYLƏR


Top news