“Qəbələ” İK “Cavid Hüseynov olayı” və yubileyi haqda

“Qəbələ” İK “Cavid Hüseynov olayı” və yubileyi haqda
23:47 30 Dekabr 2015
35 İdman
Ölkə mətbuatı
A- A+

Millimizin HEYƏTİ açıqlandı (08 May 2017 18:32)
Millimizin heyəti açıqlandı (08 May 2017 18:17)
Millimizin HEYƏTİ açıqlanıb (08 May 2017 18:08)

2015-ci il başa çatır. Bu il Azərbaycanın idman həyatında xüsusilə əlamətdar oldu.

Bu da səbəbsiz deyil. İlin ən yaddaqalan və möhtəşəm idman hadisəsi heç şübhəsiz ki, Bakıda böyük uğurla keçirilən I Avropa Oyunları oldu. Bundan əlavə, Azərbaycan idmançıları dünya və Avropa çempionatlarında, nüfuzlu beynəlxalq turnirlərdə qüvvələrini sınadılar, ölkəmizin aktivinə yüzlərlə yeni medal, kubok, qələbə əmsalları yazdırdılar.

Bu idman uğurlarında təbii ki, bütün idmançılarımızın payı var, o cümlədən də bu il 10 illik yubileyini qeyd edən "Qəbələ" İdman Klubunun.

2015-ci il "Qəbələ" İdman Klubundan (İK) ötrü xüsusilə əlamətdar oldu. Belə ki, "Qəbələ" futbol klubu dövrünün ən parlaq, yaddaqalan uğurunu məhz bu mövsümdə qazandı. Tarixində ikinci dəfə Avropa Liqasında mübarizə aparan "Qəbələ" ilk təsnifat mərhələsindən başlayaraq yarışın qrup mərhələsinədək irəlilədi. Bununla da "qırmızı-qaralar" Azərbaycan futbolu tarixinə ardıcıl 4 mərhələ adlayan ilk klub kimi daxil oldu.

Fanat.az xəbər verir ki, "Virtualaz.org" saytı klubun yubiley ilinin olmasını nəzərə alaraq "Qəbələ" İK rəhbərliyindən müsahibə almağa çalışıb. İK mətbuat xidmətindən isə saytın müraciətinə sualları yazılı göndərmək xahiş edilib. Mətbuat xidmətinin yazılı suallara verilən cavablarını təqdim edirik.

- Bu il "Qəbələ" İdman Klubunun 10 yaşı oldu. 10 ildə keçilən yola necə yekun vurardınız? Uğurlar yubileyi bayram kimi qeyd etməyə kifayət edəcək qədər böyük sayıla bilərmi?
- Bu il 10 illik yubileyini qeyd edən "Qəbələ" İdman Klubu 2015-ci ildə tarixinin ən uğurlu dövrunu yaşadı. İdman klubunun tərkibinə daxil olan tanınmış "Qəbələ" futbol klubu ilə eyni zamanda digər idman klubları da böyük uğurlara imza atdı.

Bu haqda geniş danışmazdan əvvəl "Qəbələ" İK-nin fəaliyyət strategiyasının əsas istiqamətlərinə toxunmaq istərdik.


Müasir tələblərə cavab verən idman infrastrukturunun yaradılması klubun inkişaf strategiyasında önəmli yerlərdən birini tutur. "Qəbələ" futbol klubunun bazası, "Qəbələ" Atıcılıq Kompleksi bölgənin ən müasir və böyük idman qurğuları hesab edilir.

"Qəbələ" İK uşaq futboluna xüsusi diqqət ayırır. Məhz buna görə də Azərbaycanda akademiya yaradan ilk klub məhz "Qəbələ" İK olub. Hazırda isə "Qəbələ" Futbol Akademiyası ölkədə analoji qurumlar arasında ən yaxşısıdır. Akademiyanın yetirmələrinin sayəsində "Qəbələ" demək olar ki, Azərbaycanın bütün yaş qrupundan olan milli komandalarında təmsil olunur. Artıq "Qəbələ" milli komandalar üçün də baza klublarından birinə çevrilib. Belə ki, Azərbaycanın 17, 19 və 21 yaşlılardan (müvafiq olaraq 1997, 1996 və 1995-ci il doğumlu) ibarət yığma komandalarına "Qəbələ"dən 15-dək futbolçu dəvət olunub. Ölkənin 18 və 20 yaşlı futbolçulardan ibarət yığma komandalarının Bakıda təşkil olunan təlim-məşq toplanışına "Qəbələ"nin 10 futbolçusu cəlb edilib. Bu il "Qəbələ"nin futbolçuları - Ruslan Abuşov, Arif Daşdəmirov, Məhəmməd Mirzəbəyov, Rəşad Sadiqov və Ürfan Abbasov Azərbaycanın əsas, Elvin Camalov isə gənclərdən ibarət (U-21) milli komandasının heyətində çıxış edib.


Bu strategiyanın davamı kimi Qəbələdə hər il 15 yaşa qədər futbolçulardan ibarət komandalar arasında beynəlxalq turnir təşkil olunur. Avropanın adlı-sanlı klublarının qatıldığı bu yarış qitənin elit turnirləri sırasında dayanır. Bu turnirlər zamanı Azərbaycanın yeniyetmə futbolçuları fərqli futbol baxışları ilə tanış olur, beynəlxaq oyun təcrübəsi qazanırlar. Bu turnirin əhəmiyyəti həm də ondadır ki, Avropanın ən müxtəlif ölkələrindən gələn məşqçilər, futbolçular ölkədə gedən inkişafı əyani şəkildə görür, Azərbaycanın tarixi, mədəniyyəti, idman həyatı ilə tanış olurlar.

Hədəflərimiz böyükdür. Özü də təkcə futbol sahəsində yox. Atıcılıq idmanı da prioritet verdiyimiz sahələrdəndir. Nəzərə alın ki, "Bakı-2015" I Avropa Oyunlarından sonra ən böyük yarışlardan biri olan atıcılıq üzrə Dünya Kubokunun final mərhələsi (İSSF WORLD CUP) məhz Qəbələdə təşkil olunub. Beynəlxalq İdman Atıcılıq Federasiyasının (İSFF) təqvimində dünya və Avropa çempionatından sonra ən nüfuzlu turnirlərdən sayılan bu yarışın təşkilatçılarından biri də məhz "Qəbələ" Atıcılıq Klubu olub. Avqustun 6-dan 16-dək Qəbələ Stend və Ox Atıcılığı Kompleksində keçirilən beynəlxalq yarışda Rio-de-Janeyro Yay Olimpiya Oyunlarına 34 lisenziya uğrunda mübarizə gedib. Bu məqsədlə 94 ölkənin idmançıları ilə birgə 3000-dən artıq nümayəndə ölkəyə səfər edib.


Qəbələdə keçirilən Dünya Kubokuna beynəlxalq qurumlar tərəfindən yüksək qiymət verilib. Qeyd edək ki, bu, Qəbələdə atıcılıq üzrə 2015-cu ildə təşkil olunan ikinci beynəlxalq turnir olub. Dünya Kubokundan öncə isə may ayında ulu öndər Heydər Əliyevin xatirəsinə həsr edilən olimpiya atıcılıq növləri üzrə II Beynəlxalq Qran-pri turniri keçirilmişdi. Bu yarışa 17 ölkədən 150-dən çox idmançı qatılmışdı.

Bütün bunların nətcəsidir ki, "Qəbələ" İdman Klubunun idman sahəsində gördüyü işlər və həyata keçirdiyi çoxsaylı layihələr həmişə diqqət mərkəzində olub. Ölkə idmanının inkışafı yönündə klubun atdığı addımlara dövlət səviyyəsində də yüksək qiymət verilib. Belə ki, dekabrın 24-də Azərbaycan Gənclər və İdman Nazirliyinin 2015-ci ilin yekunları ilə bağlı keçirdiyi tədbirdə "Qəbələ" İK bir neçə nominasiyada mükafatlandırlıb. "Qəbələ" Atıcılıq Klubu ən yaxşı idman təşkilatı adına layiq görülüb. Klubun prezidenti Tale Heydərova bu idmanın inkişafında gördüyü işlərə görə fəxri diplom təqdim olunub. Azərbaycanda və dünyada atıcılıq idmanına göstərdiyi dəstəyə görə Beynəlxalq Atıcılıq Federasiyasının prezidenti Oleqario Baskes Rana tərəfindən ona qızıl medal və fəxti diplom verilib. Qeyd edək ki, Qəbələ Atıcılıq Kompleksi dünyada ilin ən yaxşı qış kompleksi seçilib.

Qeyd edək ki Qəbələ klubunun nəzdində futbol və atıcılıq bölmələri ilə yanaşı boks, taekvondo, cüdo, karate, güləş bölmələri də mövcuddur.

- "Qəbələ" futbol klubu bu il Avropa Liqasında yaxşı oynadı. Azərbaycan və Avropa futbolsevərləri ölkəmizi Avropa miqyasında təmsil etmək gücündə olan yeni marka "kəşf etdi". Amma uğur gəlincə özü ilə məsuliyyət yükü də gətirir. İndi klubun üzərində böyük bir məsuliyyət var: futbolsevərlər klubdan daha böyük uğur gözləyir. Klub bu etimadı növbəti mövsümlərdə də doğrulda biləcəkmi, buna hazırdırmı?
-Təbii ki, qazandığı uğurları ilə tarixini ilbəil zənginləşdirən "Qəbələ" futbol klubu dövrünün ən parlaq, yaddaqalan uğurunu məhz bu mövsümdə qazanıb. Tarixində ikinci dəfə Avropa Liqasında mübarizə aparan "Qəbələ" ilk təsnifat mərhələsindən başlayaraq yarışın qrup mərhələsinədək irəlilədi. Bununla da "qırmızı-qaralar" Azərbaycan futbolu tarixinə ardıcıl 4 mərhələ adlayan ilk klub kimi daxil oldu. Bu mövsümdə Avropa Liqasının 100-dən artıq iştirakçısı arasında cəmi iki klub - "Qəbələ" və Azərbaycan futbolsevərlərinin yaxşı tanıdığı məşhur "Rusenborq" (Norveç) bunu gerçəkləşdirməyi bacarıb.

Yeri gəlmişkən, Azərbaycanda indiyədək heç bir komandaya avrokuboklarda bu qədər uğurla çıxış etmək nəsib olmayıb. "Qəbələ" futbol klubu I təsnifat mərhələsindən pley-offa qədər "Dinamo" (Gürcüstan), "Çukariçki" (Serbiya), "Apollon" (Kipr), "Panatinaikos" (Yunanıstan) klublarını yarışdan kənarlaşdıraraq neçə-neçə skeptiklərin proqnozlarını alt-üst etdi. "Qəbələ" futbol klubu qrup mərhələsində də Avropanın adlı-sanlı klubları ilə mübarizədə layiqli oyun nümayiş etdirdi, ölkə futbolsevərlərinə sevinc dolu anlar yaşatmağa çalışdı. Məhz "Qəbələ"nin sayəsində Azərbaycan azarkeşləri Almaniyanın "Borussiya" (Dortmund), Yunanıstanın PAOK, Rusiyanın "Krasnodar" klublarının oyunlarını canlı izləmək şansı qazandı. "Qəbələ"nin təsnifat və qrup mərhələsində qazandırdığı xallar Azərbaycanın UEFA reytinqində bir neçə pillə irəliləməsinə səbəb oldu. Əlbəttə ki, klub bu uğurların davamını gətirməyi qarşısına əsas məqsəd qoyub.


- Yəqin ki, klubun uğurları ilə eyni zamanda, "Cavid Hüseynov olayı" da diqqət mərkəzində olub?
- Nizam-intizam və mənəvi tərbiyə işi "Qəbələ" futbol klubunun təşkilindən etibarən ən vacib fəaliyyət sahələrindən biri olub, indi də belədir, gələcəkdə də belə olacaq. Bu sahədə əldə edilən uğurların nəticəsi idi ki, "Qəbələ" həmişə nəinki futbol, eləcə də respublika idman aləmində yüksək nizam-intizamı ilə fərqlənib. 2015-ci il futbol mövsümündə "Qəbələ"nin Avropa Liqasındakı uğurları nəticəsində onun dünya futboluna inteqrasiyası bu sahəyə məsuliyyətli münasibəti daha da artırıb. Futbolçular həm ölkənin, həm də dünyanın tanınmış yaşıl meydançalarında klubla eyni zamanda, Azərbaycanı layiqincə təmsil etməyə çalışıb, bununla da azarkeşlərin rəğbətini qazanmağa nail olub. "Qəbələ" qısa bir dövr ərzində regional komanda olmaqdan çıxaraq Ümumazərbaycan klubuna çevrilə bilib.

Bununla yanaşı, dünya futbol aləmi üçün səciyyəvi olan bəzi mənfi tendensiyalar, xüsusilə tanınmış futbolçuların adlarının qalmaqallarda hallanması burada da özünü göstərdi. Komandanın liderlərindən olan Cavid Hüseynovun istər futbol meydanındakı, istərsə də ondan kənardakı emosional addımları belə qalmaqallarla müşayiət olundu. Rəqib komandaların və onların azarkeşlərinin təhrikçi hərəkətləri də burada həlledici rol oynadı. 2015-ci il iyulun 31-də Kiprin Larnaka şəhərinin "Antonis Papadopulos" stadionunda yerli "Apollon" klubu ilə keçirilən oyun ərzində meydançaya saysız-hesabsız yad əşyalar atan kiprli tərəfdarlar Azərbaycan bayrağını təhqir etdilər. Onlar yalnız "Qəbələ" rəsmilərinin lazımi məqamda müdaxiləsi nəticəsində Azərbaycan bayrağını yandırmaqdan çəkindilər. Buna baxmayaraq parçalanmış Azərbaycan bayrağı matç başa çatanadək kiprlilərin açıq-aşkar təhqirinə məruz qaldı. Hətta baş hakim təzyiq və təhqirlər nəticəsində "Qəbələ"yə ola biləcək hücumların qarşısını almaq üçün oyuna 15 dəqiqəlik fasilə verməyə məcbur oldu.

Təbii ki, bu cür gərgin ab-havada oynamaq və eyni zamanda əsəblərini cilovlamaq futbolçular üçün heç də asan deyildi. Cavid Hüseynovun son dəqiqələrdə penaltidən bərabərlik qolunu vurduqdan sonra əl hərəkəti ilə etdiyi jest də bunun nəticəsi idi. "Apollon" klubunun rəsmiləri bunu bildiyi halda UEFA-ya şikayət etdi. Məsələni araşdıran, həmçinin "Qəbələ"nin kapitanı ilə bağlı müdafiə məktubunu dəyərləndirən qitənin ali futbol qurumu kiprlilərin iddialarını əsassız saydı. UEFA oyunda baş verənləri təfərrüatı ilə nəzərdən keçirdikdən sonra Cavid Hüseynova heç bir cəza vermədi.

Bununla belə mənəvi-əxlaqi dəyərlərə həmişə önəm verən klub futbolçu ilə söhbət apararaq onu ciddi tənbeh etdi. Mətbuata verdiyi açıqlamada etdiyi hərəkətin motivini aydınlaşdıran Cavid Hüseynov buna baxmayaraq bu hərəkətdən peşman olduğunu bildirdi və Azərbaycan xalqından üzr istədi.

Cavid Hüseynovun adının fotojurnalist Rasim Əliyevin qətli ilə əlaqələndirilməsi isə bütün ciddiyyəti ilə qarşılandı. "Qəbələ" futbol klubu bu oyunçunun Avropa Liqası kimi məşhur bir turnirdə komanda üçün nə qədər böyük əhəmiyyətə malik olmasına baxmayaraq öz dəyərlərinə sadiq qaldı və hüquq-mühafizə orqanları tərəfindən həbsdən əvvəl onu komandadan uzaqlaşdırdı. Təəssüf hissi ilə qeyd etmək lazımdır ki, bəzi qüvvələr faktı hüquqi müstəvidə dəyərləndirmək əvəzinə onu siyasiləşdirdi. Azərbaycan Respublikasının Prezidenti cənab İlham Əliyev isə haqlı olaraq bu məsələni öz nəzarətinə götürdü. "Qəbələ" klubu belə bir qərar aldığına görə Azərbaycan Prezidentinə dərin minnətdarlığını bildirir. Klub məsələnin ədalətli, obyektiv və şəffaf şəkildə araşdırılacağına və mərhum Rasim Əliyevin valideynlərinin dərdinə şərik olaraq bütün günahkarların cəzalarını alacağına inanır. Bu ölkəmizin və idmanımızın imici üçün də çox vacibdir.

Sonda bir daha bildirmək istərdik ki, "Qəbələ" klubu onun fəaliyyət prinsipləri ilə heç bir vəchlə bir araya sığmayan bu faktdan ciddi nəticələr çıxarıb, istər ölkə birinciliyində, istərsə də Avropa Liqasında keçirilən sonrakı oyunlar zamanı klubda nizam-intizam və mənəvi tərbiyə məslələrinə daha həssas yanaşıb, təxirəsalınmaz tədbirlər planı həyata keçirilib. Bütün bunlar göstərir ki, "Qəbələ" İK idman prinsiplərinə böyük önəm verir və Azərbaycan idmanının nüfuzunun bütün sahələrdə möhkəmləndirilməsi üçün var qüvvəsi ilə çalışacaqdır.

Fanat.az

RƏYLƏR

OXŞAR XƏBƏRLƏR

BU KATEQORİYADAN DİGƏR XƏBƏRLƏR

Ölkə mətbuatında bugün »

Qanunsuz abort edən həkimlər daha ağır cəzalandırılacaq

30 May 2017 07:55

“Hədəf Bakıdır. Hitler neft uğrunda döyüşü necə uduzdu” sənədli filmi Parisdə nümayiş olunub (FOTO)

30 May 2017 07:55

“Intel” yeni interfeysi yayacaq

30 May 2017 07:52

3 yaşınadək uşağını təkbaşına böyüdən kişiləri işdən çıxaranlar üçün cərimələr artırılır

30 May 2017 07:50

"Android"in yaradıcısı smartfon hazırlayıb

30 May 2017 07:42

3 dəfə artıq tutumlu akkumulyator hazırlandı

30 May 2017 07:37

İraqda partlayış - Ölən və yaralananlar var

30 May 2017 07:33

Toxunmuş bambukdan velosiped - FOTO

30 May 2017 07:32

Azərbaycanın qadın voleybol millisi dünya çempionatına vəsiqə uğrunda mübarizəyə başlayır

30 May 2017 07:32

Süni intellekt şagirdlərin diqqətini izləyəcək - VİDEO

30 May 2017 07:22

Alyaskada 5,7 bal gücündə zəlzələ olub

30 May 2017 07:22

"Alibaba"da biometrik ödəniş olacaq

30 May 2017 07:12

Banqladeşdə qasırğaya görə bir milyona yaxın adam təxliyyə olunur

30 May 2017 07:02

Türkiyədə qadın deputat həbs edildi

30 May 2017 06:43

Tropik bitkilərlə bəzənmiş kafe - FOTO

30 May 2017 06:32

Şimali Koreya yenidən ballistik raketi sınaqdan keçirib

30 May 2017 06:22

Rusiyada sərnişin təyyarəsi qəza enişi etdi

30 May 2017 05:59

Şimali Koreya raket sınağı keçirdiyini təsdiqlədi

30 May 2017 05:43

Karli kamera qarşısında - FOTO

30 May 2017 05:37

Azərbaycandan Rusiyaya 40 ton kartof keçirilməsinin qarşısı alınıb

30 May 2017 05:22

Qaynar su asfaltı havaya uçurdu - Kiyevdə DƏHŞƏTLİ QƏZA - FOTO/VİDEO

30 May 2017 04:53

Bağdadda partlayış: 17 ölü, 22 yaralı

30 May 2017 04:43

Kendall yubiley sayında - FOTO

30 May 2017 04:32

Azərbaycan və Belarus arasında hərbi əməkdaşlıq məsələləri müzakirə olunub

30 May 2017 04:27

Misir Liviyada terrorçuların mövqelərini bombaladı

30 May 2017 03:58

İngiltərədə pələng zoopark işçisinə hücum edib -

30 May 2017 03:35

Türkiyədə qadın deputat tutuldu

30 May 2017 03:34

Tanınmış aktrisa reklam obrazında - FOTO

30 May 2017 03:32

Moldova rusiyalı diplomatlara ölkəni tərk etmək üçün 72 saat vaxt verib

30 May 2017 03:08

9 nəvəsini VAZ-2106-da gəzdirən sürücü saxlanıldı - ASTARADA REYD

30 May 2017 03:04

Baş redaktor kürəkəni tərəfindən qətlə yetirildi

30 May 2017 03:03

Şimali Koreya uğurlu raket sınağı keçirdi

30 May 2017 02:44

Bred Pittin yeni FOTOları

30 May 2017 02:32

Azərbaycanlı səfir Braziliya Senatının radiosuna müsahibə verib

30 May 2017 02:28

Əmrah Sərdarı məhkəməyə verdi - 25 minə görə

30 May 2017 02:24

Yəməndə vəba epidemiyası: 500 ölü

30 May 2017 02:18

Bağdadda partlayış nəticəsində 4 nəfər ölüb

30 May 2017 02:17

Türkiyədə iqtidaryönlü qəzetin baş redaktoru öldürülüb

30 May 2017 02:12

Moskvada qasırğa Kremlin Senat sarayının dam örtüyünü uçurub

30 May 2017 01:57

"İŞİD-i məhv etmək üzrəyik" -

30 May 2017 01:54

Belçikada marafon zamanı açılan atəş baş nazirin "qulağını batırıb"

30 May 2017 01:47

BELƏSİ HEÇ OLMAMIŞDI - Helikopteri cinsiyyət orqanıyla dartdı - FOTO/VİDEO

30 May 2017 01:43

Elementlərit ideal müvazinətli lampa - FOTO

30 May 2017 01:32

Misir Liviya ərazisinə havadan zərbə endirib

30 May 2017 01:32

"ABŞ artıq dünya lideri deyil" -

30 May 2017 01:30

Səfir Elxan Poluxov Braziliya Senatının radiosuna müsahibə verib

30 May 2017 01:29

Azərbaycan klubları George Hacının baş məşqçi olduğu komanda ilə oynayacaqlar

30 May 2017 01:27

Türkiyədə baş redaktor öldürüldü

30 May 2017 01:19

Qasırğa Moskvanı bu vəziyyətə saldı - FOTOLAR

30 May 2017 01:13

Sirri açılmayan -

30 May 2017 01:03