Kanadanın “Air Canada» aviaşirkətinə məxsus təyarrənin hava burulğanına düşməsi nəticəsində 20 sərnişin xəsarət alıb.
APA-nın “Gazeta.ru”-ya istinadən verdiyi məlumata görə, Şanxay- Toronto marşrutu üzrə uçan təyyarə Kalqari şəhərində eniş edib.
CTV News telekanalı 6 nəfərin hava limanından xəstəxanaya aparıldığı barədə xəbər yayıb. Ümumilikdə 20 nəfər müxtəlif dərəcəli bədən xəsarətləri alıb. Təyyarənin göyərtəsində 351 nəfər olduğu bildirilir.
