Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Laçınlı məcburi köçkün uşaqlara yeni il hədiyyələri verilib

Date: 31 December 2015 08:08


Ağcabədi, 31 dekabr, AZƏRTAC 
Laçınlı məcburi köçkünlər 31 dekabr - Dünya Azərbaycanlılarının Həmrəylik Günü və Yeni il bayramını məskunlaşdıqları Ağcabədi rayonunun Taxtakörpü ərazisində qeyd ediblər.
AZƏRTAC xəbər verir ki, Laçın Rayon İcra Hakimiyyətində keçirilən tədbirdə çıxış edənlər laçınlıları əlamətdar bayramlar münasibətilə təbrik edib, Ermənistan-Azərbaycan, Dağlıq Qarabağ münaqişəsinin tezliklə xalqımızın mənafeyinə uyğun həll edilməsini, bütün məcburi köçkünlərin öz doğma yurd-yuvasına qayıtmasını arzu ediblər.
Sonra Heydər Əliyev adına parkda mədəniyyət və turizm şöbəsinin hazırladığı geniş bayram konserti olub. Təqdim olunan rəngarəng musiqi nömrələri, Şaxta baba və Qar qızın çıxışları tədbir iştirakçılarında xoş ovqat yaradıb.
Bayram tədbirində məcburi köçkün uşaqlara yeni il hədiyyələri verilib, Qarabağ müharibəsi veteranlarına və şəhid ailələrinə maddi yardım edilib.

Tags:  Laçınlı məcburi köçkün uşaqlara yeni il hədiyyələri verilib


RƏYLƏR


Top news