Bakı. 31 dekabr. REPORT.AZ/ ABŞ prezidenti Barak Obama ölkə ərazisində Milad və Yeni il bayramları müddətincə terror aktlarının törədilə biləcəyi barədə xəbərlər haqda məlumatlandırılıb.
"Report"-un TASS agentliyinə istinadən verdiyi xəbərə görə, ABŞ-ın təhlükəsizlik orqanları terror təhlükəsinə dair məlumatı təsdiq etməsələr də məsələ dövlət başçısına məruzə edilib.
Qeyd edək ki, CNN telekanalı yaxın günlərdə terror aktlarının törədilə biləcəyi üç böyük şəhərin adını açıqlayıb: Nyu-York, Los-Anceles və Vaşinqton.