Aktual mövzular: Dollar alış-satışı , Hava haqqında, Məzənnə, Neftin qiyməti

Elman Məmmədov: 2015-ci il də Dağlıq Qarabağ probleminin həlli üzrə nəticəsiz il oldu

Elman Məmmədov: 2015-ci il də Dağlıq Qarabağ probleminin həlli üzrə nəticəsiz il oldu

Date: 31 December 2015 14:23

Bakı. Elçin Mehdiyev - Trend:

Həm Ermənistanın qeyri-konstruktiv mövqeyi, həm də ATƏT-in Minsk qrupunun səmərəsiz fəaliyyəti nəticəsində 2015-ci il də Dağlıq Qarabağ probleminin həlli üzrə nəticəsiz, heç bir irəliləyiş olmayan növbəti illərdən biri oldu. Bunu Trend-ə Milli Məclisin deputatı Elman Məmmədov deyib.

E.Məmmədov bildirib ki, Minsk qrupunun həmsədrləri münaqişənin həllində vasitəçilikdən çox Ermənistanı dəstəkləyən tərəf kimi çıxış edirlər: "Bu "dördlüy"ün tutduğu mövqe nəticəsində problemin həllində heç bir irəliləyiş olmadı. Yəni bunların dördü də status-kvonun qorunub saxlanmasında, Azərbaycan torpaqlarının işğal altında qalmasında maraqlıdır ki, Ermənistan işğalçı dövlət kimi istənilən vaxt Azərbaycana qarşı təxribatlara əl atsın və onlar bu regionda müəyyən məqsədlərinə çatsınlar".

Deputatın sözlərinə görə, nə qədər ki, həmsədrlər bu mövqedədirlər, nə qədər ki, hərbi canilər Ermənistanda xunta yaradıb hakimiyyətdədirlər, bu problemin həllində irəliləyiş gözləmək müşkül məsələdir.

E.Məmmədov hesab edir ki, bu vəziyyətdə yalnız bir yol qalır: "Azərbaycan hər gün, hər saat öz hərbi, iqtisadi gücünü, nüfuzunu artırmalıdır və güclənməkdə davam edərək məsələnin həllinə nail olmağı bacarmalıdır".

Bizi Twitter-dən izləyin: @trend_az


Tags:  Elman Məmmədov 2015-ci il Dağlıq Qarabağ probleminin həlli üzrə nəticəsiz il oldu


RƏYLƏR


Top news