Azad Rəhimov Zabit Səmədovu qəbul edəcək

Azad Rəhimov Zabit Səmədovu qəbul edəcək
18:32 31 Dekabr 2015
37 İdman
Ölkə mətbuatı
A- A+

Gənclər və idman naziri Azad Rəhimov peşəkar kikboksinq üzrə dəfələrlə dünya və Avropa çempionu, müxtəlif Qran-prilərin qalibi Zabit Səmədovu qəbul edəcək.
Milli.Az "Report"a istinadən bildirir ki, bu barədə nazirliyin mətbuat xidmətinin rəhbəri Səmayə Məmmədova məlumat verib.
Onun sözlərinə görə, Azərbaycan Kikboksinq Federasiyasının prezidenti Adil Əliyev Z.Səmədovu qəbul etməsi xahişi ilə A.Rəhimova müraciət edib. Sadəcə, nazir rəsmi məzuniyyətdə olduğundan, görüşün yanvarın 12-dən sonra keçirilməsi planlaşdırılıb.
S.Məmmədova bildirib ki, Gənclər və İdman Nazirliyinə və nazir Azad Rəhimovun adına Çeçenistandan Zabit Səmədovun bir neçə gün öncə iştirak etdiyi döyüşlə bağlı dəvət məktubu gəlməyib: "Ola bilsin, hansısa texniki səbəbdən, məktub çatmayıb. Amma təbii ki, onun uğuru bizi çox sevindirir. Səmədov Azərbaycan idmançısıdır və ölkəmiz adından döyüşür. Amma onun qatıldığı yarışlar sırf kommersiya xarakteri daşıdığından, biz bir dövlət qurumu olaraq, maliyyə dəstəyi göstərə bilmirik".
Qeyd edək ki, Zabit Səmədov "Report"a müsahibəsində Gənclər və İdman Nazirliyi ilə Azərbaycan Kikboksinq Federasiyası tərəfindən ona lazımi dəstəyin verilmədiyini açıqlayıb.
Milli.Az


Xəbərin orijinal ünvanı: http://news.milli.az/sport/394545.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR