Aktual mövzular: Dollar alış-satışı , Hava haqqında, Məzənnə, Neftin qiyməti

Çingiz Hüseynzadə: 2015-ci ildə Azərbaycan idmançıları atletika yarışlarında yeni rekordlar müəyyən ediblər

Date: 1 January 2016 10:48


Bakı, 1 yanvar, Həsrət Mahmudova, AZƏRTAC
Yola saldığımız 2015-ci il Azərbaycan idmanı, o cümlədən atletika üçün çox uğurlu olub. Ötən biz dünyada ilk dəfə olaraq, birinci Avropa Oyunlarına ev sahibliyi etdik. Fəxr edirik ki, Oyunlarda atletika üzrə də yarışlar keçirildi və iki idmançımız “Bakı-2015”in çempionu oldular. Bu, böyük nəticə idi.
Bu sözləri Milli Olimpiya Komitəsinin vitse-prezidenti, Azərbaycan Atletika Federasiyasının prezidenti Çingiz Hüseynzadə AZƏRTAC-a müsahibəsində deyib.
İl ərzində atletika üzrə digər yarışlarda da nailiyyətlərin qazanıldığını vurğulayan Ç.Hüseynzadə bu baxımdan dünya universiadasını xüsusi qeyd edib. Bildirib ki, Azərbaycan yığma komandası universiadada iki qızıl və bir bürünc medal qazanaraq 23-cü yeri tutub. Çox şadıq ki, həmin iki qızıl medalı məhz atletlərimiz qazanıblar. Onlar Azərbaycanın ümumi komanda hesabında 23-cü yerə çıxmasında mühüm rol oynayıblar.
Atletlərimizin il ərzində bir neçə mühüm yarışda yeni rekord müəyyənləşdirdiklərini də diqqətə çatdıran Federasiya prezidenti deyib ki, gənc idmançımız Nazim Babayev Avropa çempionatlarının 32 illik rekordunu parlaq nəticə ilə yeniləməklə yanaşı, Olimpiya Oyunlarına da lisenziyanı təmin edib. Yeniyetmələr, gənclər, böyüklərin yarışlarında da idmançılarımız bir neçə rekordu yeniləyiblər.
Ç.Hüseynzadə atletlərimizin 2016-cı ildə Rio-de-Janeyro Olimpiya və 2017-ci ildə İslam Həmrəylik oyunlarında da yüksək nəticələr göstərəcəklərinə əminliyini bildirib.

Tags:  Çingiz Hüseynzadə 2015-ci ildə Azərbaycan idmançıları atletika yarışlarında yeni rekordlar müəyyən ediblər


RƏYLƏR


Top news