Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Azərbaycanda şadlıq sarayında bomba həyəcanı - FOTO

Azərbaycanda şadlıq sarayında bomba həyəcanı - FOTO

Date: 1 January 2016 16:47

Dekabrın 30-da Xaçmazdakı Şadlıq saraylarından birinə bomba qoyulması barədə yalan məlumat verən telefon dələduzu tutulub. 

Milli.Az anspress-ə istinadən xəbər verir ki, Xaçmaz Polis Şöbəsinin (PŞ) növbətçi hissəsinə rayonun Almas şadlıq sarayına bomba qoyulması haqda məlumat daxil olub. Məlumatı özünü Samir Süleymanov kimi təqdim edən şəxs verib. 

Hadisə yerinə dərhal polis əməkdaşları cəlb olunub və xəbərin yalan çıxmasından sonra Samir Süleymanov həbs edilib. Xaçmaz PŞ-nin müstəntiqi Elxan Allahverdiyevin sözlərinə görə, ilkin araşdırma zamanı məlum olub ki, saxlanılan şəxs adını da yalan deyib. 

"Yalan məlumat verən şəxsin adı Samir Süleymanov deyil, Şamil Süleymanovdu. Sərxoş halda olarkən bu əməli törədən Süleymanov Xaçmazın istənilən yerində partlayış olacağını bildirib".

Saxlanılarkən polisə müqavimət də göstərən 1962-ci il təvəllüdlü Şamil Süleymanovun barəsində artıq Xaçmaz PŞ-də Cinayət Məcəlləsinin 216-cı maddəsi ilə cinayət işi açılıb. Qəsdən terrorçuluq barədə səhv məlumat verməni təsbit edən bu maddə ilə Şamil Süleymanovu 5 ildən 8 ilədək həbs cəzası gözləyir.

Saxlanılan şəxsin şəxsiyyət vəsiqəsi

Bomba qoyulduğu iddia edilən şadlıq sarayı

Daha əvvəl telefon dələduzu Quba şəhərində polisə Beynəlxalq Bankın həmin şəhərdəki filialında bomba olduğu haqda yalan məlum vermişdi.

Milli.Az


Tags:  Azərbaycanda şadlıq sarayında bomba həyəcanı FOTO


RƏYLƏR


Top news