Milli.Az toyuqlu "bomba"ların hazırlanma qaydasını təqdim edir
Tərkibi:
500 q toyuq filesi
300 q şampinyon
70 q pendir
3 x.q. qaymaq
1 baş soğan
duz
istiot
Təmizlənmiş göbələyi kubik doğrayıb xırda doğranmış soğanla birlikdə bitki yağında qovurun, sonda duz-istiot vurun. Sürtgəcdən keçirilmiş pendir və qaymaq əlavə edib qarışdırın, ocaqdan götürün.
Toyuq ətini döyün, duz, istiot vurun.
Ətin ortasına iç qoyub qatlayın, yumru forma verin. Lazım gələrsə diş çöpləriylə bərkidin.
Folqanı bitki yağıyla yağlayıb, "bomba"ları içinə qoyun, bükün.
200 dərəcə qızdırılmış sobada 30 dəqiqə bişirin, sonra folqanı açıb daha 5-10 dəqiqə, qızaranadək bişirin.
Nuş olsun!
Milli.Az 
