Türkiyənin prezidenti Rəcəb Tayyib Ərdoğan Səudiyyə Ərəbistanı səfərində dünyasını dəyişən jurnalistin dəfnində Quran oxuyub. Milli.Az anspress-ə istinadən xəbər verir ki, urnalist Həsən Karakaya dəfn olunarkən əvvəl dini xadimi, daha sonra prezident Ərdoğan Qurandan bir hissə oxuyub.
Türkiyə prezidenti Rəcəb Tayyib Ərdoğan Səudiyyə Ərəbistanında rəsmi səfərdə olarkən onu müşayiət edən jurnalistlərdən biri, "Akit" qəzetinin şef-redaktoru Həsən Karakaya dekabrın 31-nə keçən gecə Mədinə şəhərində dünyasını dəyişib. Jurnalistin keçirdiyi infarkt səbəbindən öldüyü bildirilib.
Türkiyə prezidenti Rəcəb Tayyib Ərdoğan və jurnalist Həsən Karakaya
Karakayanın vəfatından sonra Ərdoğan səfərini yarmçıq saxlayaraq Türkiyəyə qayıtmışdı. Jurnalistin cəsədi də president Ərdoğanın olduğu təyyarə ilə Türkiyəyə aparılmışdı. Təyyarədə Ərdoğanın təlimatı ilə Həsən Karakaya üçün Yasin oxunmuşdu.
Həsən Karakaya ötən gün İstambul şəhərindəki "Fatih" məscidində cümə namazından sonra cənazə namazı qılınaraq dəfn olunub. Dəfndə Türkiyənin prezidenti Rəvəb Tayyib Ərdoğan və baş naziri Əhməd Davudoğlu, həmçinin nazirlər və siyasətçilər iştirak edib.
Milli.Az
