Aktual mövzular: Dollar alış-satışı , Hava haqqında, Məzənnə, Neftin qiyməti

Muarrem Muarem Azərbaycana qayıdır

Muarrem Muarem Azərbaycana qayıdır

Date: 2 January 2016 12:34

“Qarabağ”ın sabiq futbolçusu Muarem Muaremin “Malatyaspor”a keçidi baş tutmayıb. Apasport.az saytının Türkiyə mətbuatına istinadən məlumatına görə, bunu Malatya klubunun idman direktoru Ali Ravcı deyib.

 

Ötən yayda keçdiyi “Əskişəhərspor”da çox qalmayan makedoniyalı yarımmüdafiəçi ilk dövrə başa çatmamış Superliqa klubu ilə yollarını ayırmışdı. Adı yenidən “Qarabağ”la birgə hallanan 27 yaşlı oyunçu PTT I liqa təmsilçisi “Malatyaspor”la anlaşmışdı.

 

Lakin Ali Ravcı bu keçidin baş tutmayacağını söyləyib. O, bunun səbəbini də bildirib: “Muaremlə danışıqlarımız bir müddət idi ki, davam edirdi. Lakin keçid gerçəkləşmədi. Çünki bu futbolçu Azərbaycan klublarından biri ilə anlaşdı”.

 

Muaremin anlaşdığı komandanın “Qarabağ” olması istisna deyil. Çünki Ağdam klubunun baş məşqçisi Qurban Qurbanov da makedoniyalının dönməsinin əleyhinə olmadığını bildirmişdi.

 

Qeyd edək ki, Muarem Muarem 2012-2015-ci illərdə formasını geyindiyi “Qarabağ”ı cari mövsümün əvvəlində “Əskişəhərspor”a dəyişmişdi.


Tags:  Muarrem Muarem Azərbaycana qayıdır

RƏYLƏR


Top news