İstanbul, 2 yanvar, AZƏRTAC
Türkiyənin Diyarbəkir vilayətinin Sur rayonunda Kürd Fəhlə Partiyası (PKK) mənsubları tərəfindən bir mənzildə quraşdırılmış partlayıcının işə düşməsi nəticəsində bir polis əməkdaşı şəhid olub.
Türkiyə KİV-lərinin məlumatına görə, baş vermiş hadisədə yaralanan biri polis, digəri əsgər olmaqla iki nəfərin müalicəsi davam etdirilir.
Qeyd edək ki, oktyabrın 1-dən Sur rayonunda fövqəladə vəziyyət elan olunub. Ötən dövrdə bölgədə aparılan antiterror əməliyyatlarında PKK-ya məxsus külli miqdarda silah və sursat ələ keçirilib, çox sayda terrorçu zərərsizləşdirilib.
Sabir Şahtaxtı
AZƏRTAC-ın xüsusi müxbiri
İstanbul
