MTRŞ-nın ötən il ən çox xəbərdarlıq etdiyi və cərimələdiyi televiziyaların adları açıqlanıb

14:57 2 Yanvar 2016
23 Sosial
Ölkə mətbuatı
A- A+

"Report" xəbər verir ki, MTRŞ 2015-ci ildə “Space Müstəqil Teleradio Şirkəti”nə 3 dəfə xəbərdarlıq edib. 
Ötən il ərzində ən çox cərimə olunan televiziya isə ANS Müstəqil Yayım və Media Şirkətidir. Şura ANS-i ümumillikdə 240 min manat cərimələyib. Bundan başqa, MTRŞ ANS televiziyasının efirində yayımlanan “Sən tək deyilsən”, “Xoşqədəmlə axtarıram səni” verilişlərinin yayımını bir ay, “Salam Azərbaycan” proqramının efirə getməsini 10 gün müddətinə dayandırıb. 
2015-ci ildə şura “Lider TV və Radio Azərbaycan” MMC-yə, “İctimai Televiziya və Radio Yayımları Şirkəti”nə bir dəfə xəbərdarlıq edib.
“ATV” telekanalının efirində yayımlanan “Qaynanamız” teleserialının yayımı tam dayandırılıb.
Eyni zamanda, Xəzərin “Günəşli” yatağındakı 10 saylı dəniz özüllərində baş verən qəzaya görə ölkədə elan olunan matəm günündə qanunu pozduqlarına görə "Space", "Xəzər" televiziyalarına, ANS ÇM, Jazz FM, Anten FM, Araz FM radiolarına irad tutulub, yayımçılara müvafiq tövsiyələr verilib.


Xəbərin orijinal ünvanı: http://report.az/media/bu-il-en-cox-xeberdarliq-alan-telekanallarin-adlari-aciqlanib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR