Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Azərbaycanda yeni mobil ödəniş sistemi yaradılır

Azərbaycanda yeni mobil ödəniş sistemi yaradılır

Date: 2 January 2016 16:38


Bakı, 2 yanvar, AZƏRTAC
Azərbaycanda “AzerPay” universal mobil ödəniş sistemi yaradılır.
“AzerPay” şirkətindən AZƏRTAC-a bildirilib ki, sistem 2016-cı il yanvarın ortalarında sınaqdan keçirilməyə başlayacaq, fevralda isə istismara veriləcək.
Yeni ödəniş sistemi təmassız ödənişlərin, pulköçürmələrin həyata keçirilməsi imkanı, kredit alınması üçün müraciət, POS-terminallardan əməliyyatlar aparılması, hesabın doldurulması və digər üstünlüklərə malikdir.
Sistemdə ümumilikdə 160-dan çox ödəniş xidməti olacaq. İstifadəçilərə, həmçinin “Mobile POS” ödənişlərinin qəbulu üçün vergiödəyicinin eyniləşdirmə nömrəsinin qeydiyyata alınması xidməti təklif ediləcək. Bu xidmət fərdi sahibkarlar üçün nəzərdə tutulub və kommersiya fəaliyyəti ilə bağlı ödənişləri qəbul etməyə, vergi ödənişini avtomatik həyata keçirməyə imkan verəcək.
 

Tags:  Azərbaycanda yeni mobil ödəniş sistemi yaradılır


RƏYLƏR


Top news