"Report" xəbər verir ki, hadisə gecə saat 04:40 radələrində rayonun Yolçubəyli kəndində qeydə alınıb. Kənd sakini, 50 yaşlı Mübariz Əliqulu oğlu Gözəlova məxsus 2 otaq, 1 aynabənd və 1 mətbəxdən ibarət fərdi yaşayış evinin mətbəxi yanıb.
Hadisə yerinə Fövqəladə Hallar Nazirliyinin Sabirabad Yanğından Mühafizə Hissəsinə məxsus 2 yanğınsöndürən maşın cəlb olunub. Yanğınsöndürənlər mətbəxdə başlayan alovun otaqlara keçməsinin qarşısını alıblar. Buna baxmayaraq 15 kvadratmetrlik mətbəx yanaraq yararsız hala düşüb.
Faktla bağlı araşdırma aparılır.
