Aktual mövzular: Dollar alış-satışı , Hava haqqında, Məzənnə, Neftin qiyməti

Məşhur rejissor məhkəməyə verildi

Məşhur rejissor məhkəməyə verildi

Date: 3 January 2016 16:17

Amerikalı məşhur kinorejissor Kventin Tarantino plaqiatda ittiham olunur.

Anspress-in məlumatına görə, iki bir o qədər də məşhur olmayan ssenari müəllifləri Oskar Tomas Kolvinlər rejissorun "Azad edilmiş Canqo" filminin ssenarisinin onlardan oğurlandığını iddia edirlər və bununla bağlı məhkəməyə müraciət ediblər.

Kolvinlərin sözlərinə görə, ağ dərili insanın qaçaq qula ailəsini quldarlıqdan azad etməyə köməklik göstərən adam haqda hekayəni onlar yazıblar. Sadəcə, onların hekayəsində qulun adı Canqo deyil Cekson Frimandır, məşhur doktor Şultsun adı isə Samsondur. "Azad edilmiş Canqo" "Canqo" adlı vestern janrında yazılmış kitab əsasında çəkilməsinə baxmayaraq Kolvinlər əmindirlər ki, filmin süjeti onlardan oğurlanıb. "Zərərçəkmişlərin" fikirincə, Tarantino onların ssenarisini oxuya bilərdi, çünki onlar yazılarını bir çox agentliklərə göndəriblər. 

Kolvinlər artıq Vaşinqton federal məhkəməsində Tarantinoya qarşı iddia qaldırıblar. 

"Azad edilmiş Canqo" filminin rəsmi treyleri 

Amerikalı rejissor Kventin Tarantino 1994-cü ildə ekranlara çıxan "Kriminal qiraət" filmi ilə məşhurluq qazanıb və bu filmə görə "Oskar" alıb. Məşhur rejissora, həmçinin "Bili öldürmək", "Quduz itlər", "Şərəfsiz əclaflar" filmləri məxsusdur.

"Azad edilmiş Canqo" filmi 2012-ci ildə işıq üzü görüb və 2013-cü ildə rejissora "Ən yaxşı ssenari" nominasiyasında ikinci "Oskar" mükafatını qazandırıb.

Milli.Az


Tags:  Məşhur rejissor məhkəməyə verildi


RƏYLƏR


Top news