Səudiyyə Ərəbistanı hökuməti edam edilən şiə din xadimi Nimr ən-Nimrin cəsədini ailəsinə verməyəcəyi, edam edilən 47 nəfərin artıq şənbə günü dəfn edildiyi barədə mərhumun qardaşını xəbərdar edib.
Musavat.com-un məlumatına görə, bu barədə Mühəmməd ən-Nimr özünün Twitter səhifəsində yazıb.
"Səudiyyə hakimiyyəti təmsilçiləri mənimlə əlaqə saxlayaraq, edam edilənlərin artıq müsəlman qəbiristanlıqlarında dəfn edildiyini, cəsədlərin qohumlara verilməyəcəyini dedi", - Mühəmməd ən-Nimr qeyd edib.
Xatırladaq ki, edam edilənlər terrorçuluq və ekstremizmdə ittiham olunurdular. Şeyx Nimr ən-Nimr şiə azlığın sıxışdırılmasına görə mövcud hakimiyyətin sərt tənqidçisi kimi tanınırdı. O, 2012-ci ildə etiraz aksiyası zamanı saxlanılmışdı.
Milli.Az