Aktual mövzular: Dollar alış-satışı , Hava haqqında, Məzənnə, Neftin qiyməti

Səudiyyə Ərəbistanı İrana 48 saat vaxt verdi

Səudiyyə Ərəbistanı İrana 48 saat vaxt verdi

Date: 4 January 2016 02:11

Səudiyyə Ərəbistanı xarici işlər naziri Adil əl-Cubeyr İranla diplomatik əlaqələrin kəsildiyini bəyan edib. ANS PRESS-in məlumatına görə, nazir bildirib ki, iranlı diplomatlara ölkəni tərk etmək üçün 48 saat vaxt verilib.

XİN rəhbərinin bu açıqlamasını "Əl Ərəbiyyə" xəbər portalı yayıb. Qeyd olunur ki, Adil əl-Cubeyr Səudiyyə Ərəbistanının səfirliyi və konsulluğuna edilən hücum barədə danışarkən bildirib ki, bu, beynəlxalq konvensiyanın ciddi şəkildə pozulması deməkdir.

"İrana imkan vermərik ki, bizim təhlükəsizliyimizi təhdid etsin və regionda stabillliyi təhlükə altına salan kəslərə dəstək versin", deyə Adil əl-Cubeyr bəyan edib.

Reuters-in yaydığı məlumata görə, Tehranda nümayişçilərin Krallığın diplomatik nümayəndəliyinin binasına hücumundan sonra Səudiyyə Ərəbistanı iranlı diplomatları ölkədən təxliyyə etməyə başlayıb. Bu dəqiqəyə olan xəbərlərə görə, diplomatların olduğu təyyarə Dubayda eniş edib. İlkin məlumatlara görə, təqribən 50 əməkdaş təxliyə olunub.



İran prezidenti Həsən Ruhani də Səudiyyə Ərəbistanının Tehrandakı səfirliyinə edilən hücum barədə açıqlama verib. O bildirib ki, Səudiyyə Ərəbistanının səfirliyinə hücum edənlər qanunsuz əməllərinə görə cəzalandırılmalıdır. Prezidentin sözlərinə görə, həmin şəxslər İranın imicinə böyük zərbə vururlar.

Səudiyyə Ərəbistanının Daxili İşlər Nazirliyi yanvarın 2-də terrorçuluqda ittiham edilən 47 nəfəri edam edib. Onların arasında şiə təriqətindən olan alim, Səudiyyədə yaşayan Nimr ən-Nimr də olub.

Dekabrın 3-də İranda etirazçılar Səudiyyə Ərəbistanının Tehrandakı səfirliyinə hücum edərək binada yanğın törədiblər, həmçinin səfirliyin daxili müəssisəsini dağıdıblar. Hücumdan sonra polis 40 nəfəri saxlayıb.

Nimr ən-Nimr 2012-ci il, iyulun 8-də ölkədə qarşıdurmaların yaradılması və qanunsuz etiraz aksiyalarının keçirilməsində ittiham edilərək həbs olunub. Məhkəmə onun edam edilməsi barədə qərarı 2014-cü ilin oktyabr ayında verib. İran - Səudiyyə Ərəbistanının regiondakı əsas rəqibi - qərara dərhal sərt reaksiya vermişdi.

Tags:  Səudiyyə Ərəbistanı İrana 48 saat vaxt verdi


RƏYLƏR


Top news