Aktual mövzular: Dollar alış-satışı , Barselona - Real, Hava haqqında, Məzənnə, Neftin qiyməti

Sərxoş sürücü bayram günü maşını ağaca çırpdı

Sərxoş sürücü bayram günü maşını ağaca çırpdı

Date: 4 January 2016 10:51

Ağdamda sərxoş sürücü qəza törədib. Bu gecə baş verən hadisə nəticəsində iki nəfər müxtəlif dərəcəli bədən xəsarətləri alıblar.

Ağdam Rayon Polis İdarəsindən ANS PRESS-ə verilən məlumata görə, hadisə rayonun Bənövşələr qəsəbəsində qeydə alınıb.

Qəsəbə sakini, 1975-ci il təvəllüdlü Nizami Rəhim oğlu Gülməmmədov idarə etdiyi "Mercedes" markalı avtomobillə hərəkətdə olarkən qəfildən idareətməni itirib və maşını yolun kənarındakı ağaca çırpıb. Qəza nəticəsində sürücü və avtomobildə olan sərnişin, Mingəçevir şəhər sakini, 1990-cı il təvəllüdlü Əjdər Arif oğlu Nəsibov müxtəlib bədən xəsarətləri alıblar.

Yaralılar dərhal Ağdam Rayon Mərkəzi Xəstəxanasına çatdırılıb.

Hadisəyə səbəb sürücü Nizami Gülməmmədovun sərxoş olması göstərilir.

Fakla bağlı Ağdam Rayon Polis İdarəsində araşdırma aparılır.

Ağdam rayonunda bənzər hadisə bir müddət əvvəl də baş verib. Qəza rayonun Qaradağlı- Əhmədağalı yolunun Sarıcalı kəndi ərazisində olub.

Əhmədağalı kənd sakini Qalib Abbas oğlu Sadıqov idarə etdiyi 90-LM-295 dövlət nömrə nişanlı, “Mercedes” markalı minik avtomobili ilə yüksək sürətlə hərəkət edərkən Sarıcalı kəndi ərazisində ağaca çırpılıb.

Fövqaladə Hallar Nazirliyinin Qarabağ Regional İdarəsinin xilasediciləri Qalib Abbasovu deformasiyaya uğramış maşından çıxararaq Sarıcallı kəndi ərazisindəki hərbi hospitalın təcili tibbi yardım maşınına qoyublar. Lakin Q. Abbasov xəstəxanaya aparılarkən yolda keçinib.

Tags:  Sərxoş sürücü bayram günü maşını ağaca çırpdı

RƏYLƏR


Top news