İraqın Tikrit şəhərinin kənarında yerləşən Amerika Birləşmiş Ştatların keçmiş hərbi düşərgəsində terrorçu kamikadze bombanı partlatması nəticəsində ən azı 16 nəfər ölüb.
Milli.Az anspress-ə istinadən bildirir ki, güclü partlayış nəticəsində 11 nəfər ağır yaralanıb.
Düşərgənin qərb qapıları tərəfdə də 5 terrorçu kamikadzenin zərərsizləşdirildiyi bildirilir. Hadisəyə görə məsuliyyəti İŞİD terror qruplaşması üzərinə götürüb. Ölənlərin çoxu polis olub.
Bir müddət əvvəl İraq hökümət qüvvələri Ramadi şəhəri İŞİD silahlılarından təmizlədiyini elan edib. Amma buna baxmayaraq İŞİD-lə İraq höküməti ilə hələ də qarşıdurmalar davam edir.
Xüsusən Şəhərin mərkəzində və şimal-şərqində şiddətli döyüşlər gedir terrorçularla yanaşı İraq qüvvələri də böyük itki verir. Ramadi şəhəri 2015-ci ilin may ayında İŞİD qruplaşması tərəfindən işğal olunmuşdu.
Amma dekabrın sonlarında İraq Qüvvələri anti İŞİD koalisiyasının dəstəyi ilə şəhərdə nəzarəti bərpa edib.
Milli.Az