Bakı, 4 yanvar, AZƏRTAC
Dünya bazarında neftin qiyməti artmağa başlayıb.
AZƏRTAC RBK-ya istinadən xəbər verir ki, London İCE birjasında Brent markalı neftin fevral fyuçerslərinin qiyməti 3,3 faiz yüksələrək 38,50 dollara çatıb. Bir qədər sonra qiymət 37,89 dollara ensə də, səhər saatlarında yenidən 38 dolları ötüb.
Nyu York birjasında isə WTI neftinin qiyməti 3,5 faiz yüksələrək 38,77 dollar olub.
