Aktual mövzular: Dollar alış-satışı , Hava haqqında, Məzənnə, Neftin qiyməti

Baş nazirin arvadı Yeni il gecəsini polis bölməsində keçirdi

Baş nazirin arvadı Yeni il gecəsini polis bölməsində keçirdi

Date: 4 January 2016 14:01

İsrailin baş naziri Benyamin Netanyahunun həyat yoldaşı Sara Netanyahu yeni il gecəsini polis idarəsində keçirməli olub.

ANS PRESS-in məlumatına görə, Sara Netanyahu korrupsiya faktı ilə bağlı ittiham edilərək 5 saata yaxın sorğu-sual edilib. Belə ki, xanım Netanyahu dövlət büdcəsindən şəxsi məqsədləri üçün istifadə etməkdə günahlandırılır.

Polisin məlumatına əsasən, Sara Netanyahu baş nazirin iqamətgahı üçün alınan mebelləri daha sonra Kesariyədə yerləşən bağ evinə aparıb. Ordakı köhnə mebelləri Benyamin Netanyahunun iqamətgahına göndərib.

Baş nazirin xanımı həmçinin həyat yoldaşının rəhbərlik etdiyi siyasi partiyanın üzvünü elektrik kimi işlədərək onun əmək haqqını da dövlət büdcəsindən ödəyib.

Bundan başqa Sara Netanyahu dövlət vəsaitindən dünyasını dəyişən atası uçün xərcləməkdə və saxta çeklər yazmaqda şübhəli bilinir.


Benyamin Netanyahu və həyat yoldaşı Sara Netanyahu


İsrailin baş prokurorluğu 2015-ci ilin əvvəlindən dövlət büdcəsindən sui-istifadələrlə bağlı araşdırmalara başlayıb. Elə bu yaxınlarda İsrail Ali Məhkəməsi qalmaqallı korrupsiya işi ilə bağlı sabiq baş nazir Ehud Barak haqda həbs qərarı çıxarıb.

Əvvəllər də İsrail mətbuatı dəfələrlə Netanyahu ailəsini dövlət vəsaitindən şəxsi məqsədlərlə istifadə etməkdə günahlandırıb.

Sara Netanyahu isə qalmaqalları ilə ilk dəfə deyil ki gündəmə gəlir. Xanım Netanyahu lüks alış-verişi, "şüşə qalmaqalı", spirtli içki həvəskarı olması, eləcə də sərxoş vəziyyətdə aşbazı döyməsi ilə diqqət çəkib.

Netanyahu ailəsində çalışarkən Saranın onunla çox kobud davrandığını, təhqir etdiyini deyən bir xidmətçi qadın sonradan onu məhkəməyə vermiş və ittiham etmişdi ki, Sara Netanyahu nazirin iqamətgahında içilən mineral sular, şirələr, şərabların boş şüşələri təkrar emal şirkətlərinə satılandan sonra alınan pulları mənimsəyir.

2014-cü ildə külli məbləğdə vəsait xərcləməsi ilə Omanın xarici işlər naziri Seyyid Bədr bin Həmad bin Həmud əl Busaydinin xanımı — 50 yaşlı Nora əl Daer də gündəmə gəlmişdi. O , isə qumar xəstəliyinin qurbanı olmuşdu. Nora əl Daer Londondakı superlüks «The Ritz» otelinin kazinosunda 3,38 milyon dolları qumarda uduzmuşdu. Sonradan o, oteli məhkəməyə verib onu aldatdıqlarını, kazinonun əməkdaşlarının onun qumar asılılığından sui-istifadə etdiklərini bildirmişdi.


Omanın xarici işlər nazirinin həyat yoldaşı Nora əl Daer



Tags:  Baş nazirin arvadı Yeni il gecəsini polis bölməsində keçirdi


RƏYLƏR


Top news