Aktual mövzular: Dollar alış-satışı , Hava, Məzənnə, Neftin qiyməti

Türkmənistanda tapılan neftçilərin meyitləri yaxın vaxtda respublikaya gətiriləcək

Türkmənistanda tapılan neftçilərin meyitləri yaxın vaxtda respublikaya gətiriləcək

“Azərbaycan Xəzər Dəniz Gəmiçiliyi”nin sərnişin gəmisi neftçilərin istifadəsinə veriləcək (13 Mart 2017 14:42)
Türkmənistanda prezident seçkiləri başa çatıb (12 Fevral 2017 19:57)
Türkmənistanda prezident seçkiləri başa çatdı (12 Fevral 2017 19:48)

Tarix: 4 Yanvar 2016 15:22

Xəzər dənizinin Türkmənistan sahillərində tapılmış meyitlərin şəxsiyyəti müəyyənləşdirilib və nəşlər yaxın vaxtda respublikaya gətiriləcək. Bu barədə Fövqəladə Hallar Nazirliyinin (FHN) Mətbuat Xidmətindən Trend-ə verilən məlumatda qeyd olunur.

Məlumatda bildirilir ki, FHN-in Xəzəryanı ölkələrin müvafiq qurumlarına müraciətindən sonra aparılan axtarış-xilasetmə işləri zamanı Xəzər dənizinin Türkmənistan sahillərindən 65-70 km uzaqlıqda 2 kişi cəsədi aşkar edilib və Türkmənistana aid gəminin göyərtəsinə qaldırılaraq Kiyanlı dəniz limanına aparılıb.

Qeyd olunur ki, məlumat daxil olduqdan sonra FHN-in "BE-200ÇS" amfibiya tipli təyyarəsi istintaq qrupu ilə birgə cəsədlərin tanınması və respublikaya gətirilməsi üçün bu gün səhər Türkmənistana yola düşüb. İstintaq qrupunun üzvləri və FHN-in nümayəndələri meyitlərə baxış keçiriblər. Məlum olub ki, bunlar 10-cu dərin dəniz özülündə baş vermiş qəza nəticəsində itkin düşən neftçilər - Quliyev Əzizağa Nöhbala oğlu Abdullayev Adil Ələkbər oğludur.

Onların nəşləri yaxın vaxtda respublikaya gətiriləcək.

Milli.Az


Teqlər:  Türkmənistanda tapılan neftçilərin meyitləri yaxın vaxtda respublikaya gətiriləcək



RƏYLƏR


Top xəbərlər