Siyəzən. Vəli Turan - APA. Bu gün gündüz saatlarında Siyəzən rayonunda yerləşən quşçuluq sexində bədbəxt hadisə baş verib.
APA-nın şimal bürosunun verdiyi məlumata görə, 1989-cu il təvəllüdlü Siyəzən rayon sakini Məmmədov Faiq Məmməd oğlunun əli eleqator adlanan aparatda sıxılaraq qalıb. Müxtəlif sınıq xəsarətləri alan şəxs Siyəzən Regional Müalicə Diaqnostika Mərkəzinə yerləşdirilib. İlkin tibbi yardımdan sonra F. Məmmədov paytaxtdakı tibb müəssisələrindən birinə göndərilib.
Faktla bağlı araşdırma aparılır.