Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Bu xəstəliyi olanlar qida müəssisələrinə buraxılmayacaq - VİDEO

Bu xəstəliyi olanlar qida müəssisələrinə buraxılmayacaq - VİDEO

Date: 4 January 2016 23:57

Qida istehsalı müəssisələri ilə bağlı yeni standartlar müəyyənləşdirilib. Milli.Az xezerxeber.com-a istinadən xəbər verir ki, standartlarda bu sektorda çalışan işçilərin sağlamlıq vəziyyətlərindən tutmuş, müəssisələrin yerləşdiyi məkana qədər - bir sıra məsələlər öz əksini tapıb. Bəs hansı xəstəliklərlə bu sahədə çalışmaq olmaz?

Qida istehsalı müəssisələrində çalışmalarına qadağa qoyulan xəstə işçilərin kateqoriyaları müəyyənləşdirilib. Əgər işçidə sarılıq, diareya, qusma, titrəmə və faringit kimi xəstəliklər aşkarlanarsa, yaxud da dərisində çiban və kəsik kimi yaralar olarsa, eləcə də qulaq, göz və burundan axıntı gələrsə, onlar qida məhsullarının istehsal olunduğu əraziyə buraxılmayacaqlar. Bu, Standartlaşdırma, Metrologiya və Patent üzrə Dövlət Komitəsinin Kollegiyasının qəbul etdiyi dövlət standartında öz əksini tapıb.

İşə qəbul zamanı tibbi arayış təqdim olunsa da, şəxsin bu kimi xəstəliklərə sonradan yoluxma ehtimalı olduğundan qida ilə təmasda olan şəxslərin tibbi müayinədən mütəmadi olaraq keçməsi mütləq hesab olunur. Bundan başqa, hər bir xəstələnmiş şəxs öz xəstəliyi və ya xəstəlik əlamətləri haqqında da rəhbərliyə xəbər verməlidir.

Həmçinin, qida istehsalı müəssisələrində çalışanlar şəxsi gigiyena qaydalarına əməl etməli və lazım olan yerlərdə qoruyucu paltar, baş geyimi və ayaqqabılardan istifadə etməlidirlər.

Standartda qida istehsalı müəssisələrinin inşa olunacağı yerlər də öz əksini tapıb. Belə ki, kifayət qədər təhlükəsizlik tədbirləri görülməmiş, sel sularına və parazitlərlə yoluxmaya məruz qalmış ərazilərdə belə müəssisələrin tikilməsinə yol verilmir.

Milli.Az


Tags:  xəstəliyi olanlar qida müəssisələrinə buraxılmayacaq VİDEO


RƏYLƏR


Top news