Bakı, 4 yanvar, AZƏRTAC
Madridin “Real” klubu baş məşqçi Rafael Benitez ilə yollarını ayırıb.
AZƏRTAC xarici KİV-lərə istinadla xəbər verir ki, mövsümün əvvəlində “kral klubu”nun sükanı arxasına keçən Benitezin qovulmasına səbəb “Real”ın son turlarda əldə etdiyi qeyri-qənaətbəxş nəticələr olub. Rafael Benitezin komandadan qovulması barədə qərar bu gün keçirilən klubdaxili toplantıda verilib. Onu bu postda Zinəddin Zidan əvəzləyəcək. Fransa futbolunun əfsanəsi hazırda “Real Kastilya”nın baş məşqçisidir.
