Şokolad mussu ilə mandarinli jele

Şokolad mussu ilə mandarinli jele
07:05 5 Yanvar 2016
35 Sosial
Ölkə mətbuatı
A- A+

Milli.Az şokolad mussu ilə mandarinli jelenin hazırlanma qaydasını təqdim edir

Tərkibi (1-4 pay):

jele:

300 ml mandarin şirəsi (xırda gözlü ələkdən süzülmüş)
50-100 q şəkər tozu
1 paket vanilli şəkər 
8 q jelatin

şokoladlı muss:

100 ml süd
150 q şokolad
200 ml 33%-li qaymaq 
5 q jelatin 
1 paket vanilli şəkər 

Jele: Jelatini mandarin şirəsində 10 dəqiqə isladın. Şəkər tozu və vanilli şəkər qatıb ocağın üstünə qoyun, jelatin və şəkər tozu əriyənədək qızdırın (qaynatmaq olmaz). Süzün. Formaların içinə paylayın (hündürlüyünün 2/3-nə qədər). Donması üçün soyuducuya qoyun. 

Muss: Jelatini 50 ml soyuq suda 10 dəqiqə isladın. Südü ocağın üstünə qoyun, qaynara düşəndə vanilli şəkər tökün. Ocaqdan götürüb 5 dəqiqə saxlayın. Jelatini əlavə edib qarışdırın, xırdalanmış şokolad əlavə edin. Eynicinsli, parlaq kütlə alınanadək çalın.  
Qaymağı çalın, soyumuş şokolad mussu ilə qarışdırıb çalın. Ulduz ucluqlu konditer torbasına doldurun. Soyuducudan jeleləri çıxarıb üzərini şokoladlı mussu ilə bəzəyin. Sedra da səpə bilərsiniz. 

Nuş olsun!

Milli.Az 


Xəbərin orijinal ünvanı: http://news.milli.az/kilinariya/394981.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR