"Qalatasaray"ın hücumçusu Burak Yılmaz karyerasını Çində davam etdirə bilər.
Milli.Az qol.az-a istinadən xəbər verir ki, 30 yaşlı futbolçu "Şanxay Şenhua" klubunun maraq dairəsinə düşüb.
Çin təmsilçisi Türkiyə millisinin üzvü üçün 5 milyon avrosundan keçməyə hazırdır. "Qalatasaray"ın baş məşqçisi Mustafa Dənizli də Burakı komandada saxlamaq istəyir. Bu səbəbdən İstanbul təmsilçisinin rəhbərliyi "Şanxay Şenhua"ya cavab verməkdə qərarsız qalıb.
Qeyd edək ki, 2012-ci ildə "Trabzonspor"dan "Qalatasaray"a transfer olunan Burak keçirdiyi 102 oyunda 63 qol vurub.
Milli.Az