Aktual mövzular: Dollar alış-satışı , Hava haqqında, Məzənnə, Neftin qiyməti

İŞİD-in balaca cəlladı odur - FOTO

İŞİD-in balaca cəlladı odur - FOTO

Date: 5 January 2016 10:12

"İraq və Şam İslam Dövləti" (İŞİD) terror təşkilatının  Britaniyanın 5 vətəndaşını casusluqda suçlayaraq edam etməsinin əks olunduğu videoda 4 yaşlı oğlan da vardı. O, videonun sonunda Britaniyanı hədələmiş, "Kafirlərin başını kəsəcəyik" demişdi.

Həmin uşağın kimliyi bilinib. "Cihadi Con" təki "Cihadi Cunior" adlanan bu 4 yaşlı oğlan İsa Deyrdir. O, Londonun sabiq sakini, Suriyaya yollanaraq terrorçulara qoşulmuş Qreys Deyrin oğludur.

Milli.Az The Telegraph-a istinadən bildirir ki, videoda "Cihadi Cunior" da İŞİD terrorçuları kimi geyinnmişdi. Videodakı uşağın məhz İsa Deyr olduğunu onun babası Henri Deyr təsdiqləyib: "Uşağın heç bir günahı yoxdur. O nə etdiyini, nə dediyini anlamır. Terrorçular nəvəmdən təbliğat vasitəsi kimi istifadə edirlər".

İsanın anası, 24 yaşlı Qreys Deyr nigeriyalı xristianların ailəsində doğulub, katolik məktəbdə oxuyub. Lakin sonradan islamı qəbul edib, "Xədicə" adını götürüb. 2012-ci ildə isə iki övlad anası Qreys-Xədicə Suriyaya yollanıb, İŞİD-ə qoşulub və islamı qəbul edərək "Əbu Bəkr" adını götürmüş isveçliyə ərə gedib. Əbu Bəkr döyüşlərdən birində həlak olub.

İŞİD-in cəlladı kimi tanınan, əsl ad və soyadı Məhəmməd Emvazi olan "Cihadi Con"un başına ABŞ 9,4 milyon dollar qoymuşdu. Ötən ilin noyabrında ABŞ-ın pilotsuz təyyarəsi Suriyada Conun olduğu yeri bombalayıb. Pentaqon İŞİD cəlladının həlak olduğunu bəyan edib.
 

Milli.Az












Tags:  İŞİD-in balaca cəlladı odur FOTO


RƏYLƏR


Top news