Aktual mövzular: Dollar alış-satışı , Hava haqqında, Məzənnə, Neftin qiyməti

Yeni il bayramı günlərində təcili yardıma edilən müraciətlərin sayı 10 faiz çox olub

Yeni il bayramı günlərində təcili yardıma edilən müraciətlərin sayı 10 faiz çox olub

Date: 5 January 2016 10:43

Bakı. İlhamə İsabalayeva – Trend:

Yeni il bayramı günlərində Azərbaycan Səhiyyə Nazirliyi Bakı Şəhər Təcili və Təxirəsalınmaz Tibbi Yardım Stansiyasına edilən müraciətlərin sayı adi günlər üzrə olan ümumi orta səviyyədən 10 faiz çox olub.

Stansiya baş həkiminin müavini Oqtay Şahmalıyev Trend-ə bildirib ki, dekabrın sonuncu günlərində müraciətlərin sayı 1800-1900 olub: “Bayram günlərində müraciətlərin sayı təxminən 10 faiz artraraq 2000-dən çox olub”.

O.Şahmalıyev qeyd edib ki, müraciətlərin arasında ürək-damar xəstəlikləri ilə bağlı edilən müraciətlərin sayı üstünlük təşkil edib. Müraciət edən qadın və kişilərin sayı təxminən eyni səviyyədə olub.

Baş həkimin müavininin sözlərinə görə, bayram günlərində bütün müraciətlərin təxminən 10-15 faizi uşaqlarla bağlı olub: “Uşaqlarla bağlı edilən müraciətlərin sayı adi günlərlə eyni səviyyədə olub”.

Bizi Twitter-dən izləyin: @trend_az


Tags:  Yeni il bayramı günlərində təcili yardıma edilən müraciətlərin sayı 10 faiz çox olub

RƏYLƏR


Top news