Aktual mövzular: Dollar alış-satışı , Hava haqqında, Məzənnə, Neftin qiyməti

Evindən qovulan oğul: nə etməliyəm?

Evindən qovulan oğul: nə etməliyəm?

Date: 5 January 2016 11:05

Mehi Mehibəyli adlı oxucu Milli.Az-a müraciət edərək atasının onu yaşadığı evdən qovmasından şikayət edib. İndi hüquqlarının qorunmasına çalışan oğul atasına qarşı mülk iddiası ilə çıxış etmək niyyətində olduğunu bildirib:

"Mən 2015-ci ildə ailə qurmuşam. Evdə valideynlərim, həyat yoldaşım və mən qalırdıq. Ondan əvvəl evdə 4 nəfər yaşayırdıq. Atam, anam, bacım və mən. Evin tək oğlu və kiçiyiyəm. Bacım yeni evi almamışdan, yəni çoxdan köçüb. Yaşanan bəzi problemlərdən dolayı atam məni evdən zorla cıxartdı. Ev atamin adınadır. İndi hal-hazırda kirayədə qalıram və bilmək istəyirəm, ev bölgüsündən mənə də pay düşürmü? Düşürsə, nə qədər? İstədiyim vaxt haqqımı tələb edib öz payımı ala bilərəmmi? Bunun üçün nə etməliyəm? Zəhmət olmasa, sualıma aydınlıq gətirin".

Məsələyə aydınlıq gətirmək üçün hüquqşünas-ekspert Asif Abdullayevə müraciət etdik. A.Abdullayev Milli.Az-a bildirdi ki, Mülki Məcəlləyə əsasən, mənzil mülkiyyətçisinin onunla yaşayan ailə üzvlərinin, o cümlədən də onun övladlarının həmin mənzildən istifadə etmək hüququ var:

"Atanızın sizi həmin mənzildən məcburi çıxarması qeyri-qanunidir. Sizin həmin mənzildən istifadə hüququnuz var. Bu səbəbdən, mənzildən çıxarılmağınız yalnız ədalətli kompensasiya ödəmək yolu ilə müvafiq məhkəmə qərarı əsasında mümkündür. Mövcud vəziyyətdə, siz məhkəməyə iddia ərizəsi ilə müraciət edərək, həmin mənzilə köçürülməyinizi xahiş edə bilərsiniz".

İlkin İzzət
Milli.Az


Tags:  Evindən qovulan oğul etməliyəm


RƏYLƏR


Top news