Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Azərbaycan yığmasının "Rio-2016"ya lisenziya xarakterli turnir üçün heyəti açıqlanıb

Azərbaycan yığmasının "Rio-2016"ya lisenziya xarakterli turnir üçün heyəti açıqlanıb

Date: 5 January 2016 13:49

2016-cı il Rio-de-Janeyro Yay Olimpiya Oyunlarına lisenziya xarakterli taekvondo üzrə Avropa təsnifat turnirində iştirak edəcək Azərbaycan yığmasının heyəti açıqlanıb. Metbuat.az report.az-a istinadən xəbər verir ki, yanvarın 16-da Türkiyənin İstanbul şəhərində start götürəcək turnirə 3 taekvondoçu yollanacaq.

Yığma komandanın baş məşqçisi Reza Mehmandust qadınların mübarizəsində Patimat Abakarova (49 kq) və Fəridə Əzizovaya (67 kq), kişilərin yarışında isə Milad Beigi Harçeqaniyə (80 kq) şans verəcək. Olimpiadaya lisenziya qazanmaq üçün hər çəkidə finala vəsiqə qazanmaq lazımdır.

Qeyd edək ki, qarşıdakı olimpiadada taekvondo yarışında ümumilikdə 128 taekvondoçu iştirak edəcək ki, onlardan 64-ü qadın, 64-ü isə kişi idmançı olacaq. Reqlamentə əsasən, hər ölkəyə 2-si qadın, 2-si kişi olmaqla, maksimum 4 çəki dərəcəsində lisenziya şansı verilir. Hələlik Azərbaycan taekvondonçularından biri - Radik İsayev (+80 kq) yığdığı reytinq xalları sayəsində "Rio-2016"ya vəsiqə əldə edib. 


Tags:  taekvondo Rio-2016

RƏYLƏR


Top news