Bakı. 5 yanvar. REPORT.AZ/ İranda Səudiyyə Ərəbistanının diplomatik missiyasına hücumdan sonra Küveyt də İrandakı səfirini geri çağırıb. "Report" xəbər verir ki, bu barədə məlumatı "Associated Press" agentliyi yayıb.
Qeyd edək ki, Tehranda səfirliyinə hücumdan sonra rəsmi Ər-Riyad İranla diplomatik əlaqələrin kəsildiyini elan edib. Səudiyyə Ərəbistanının ardınca Bəhreyn və Sudan da əlaqələri tamamilə kəsməyə qərar verib. Birləşmiş Ərəb Əmirlikləri isə İranla diplomatik münasibətləri müvəqqəti işlər vəkili səviyyəsinə qədər azaltdığını bəyan edib.
